Bajat Mein Peinshan, Jeevan Beema Pauliseedhaarakon Ko Mil Sakti Hai Aur Riyaayat

Business »

Bajat Mein Peinshan, Jeevan Beema Pauliseedhaarakon Ko Mil Sakti Hai Aur Riyaayat

Nai Delhi: Jeevan beema paaliseedhaarakon ko aagaami bajat mein kar riyaayaton ka laabh milne ki sambhaavana hai. Vitt mantraalaya pratham premium par sevaakar samaapt karne aur peinshan yojanaaon ke liye alag se kar chhoot seema tay karne ke ek prastaav par vichaar kar raha hai. Iske alaava, kar adhikaari is baat ki sambhaavana talaash rahe hain ki kya sevaakar ka aakalan vaastavik praapti aadhaar par kiya ja sakta hai. Vartamaan vyavastha ke tahat premium sangrah mein hone waali vruddhi ke aadhaar par kar lagaaya jaata hai. Vartamaan mein, bakaaya ya raashi ki praapti jo bhi pehle ho par sevaakar lagaaya jaata hai. Haalaanki, kuchh bakaaya raashi ki vasooli kabhi naheen ho paati hai. Isi tarah, prastaav ke saath agrim mein praapt sabhi raashiyaan paalisi mein parivrtit naheen hoti hai. Beema udyog maang karta raha hai ki sevaakar ki dendaari raashi praapti ke aadhaar par honi chaahiye. Sootron ne kaha ki aayakar vibhaag kuchh beema peinshan utpaadon ke liye alag chhoot seema tay karne par vichaar kar raha hai jo maujooda seema se oopar hoga. Vartamaan mein, aayakar kaanoon ke tahat, anya manjoori praapt niveshon ke saath beema premium bhugataan sahit vibhinn niveshon par 1,00,000 rupaye tak ki aayakar katauti upalabdh hai. Sarkaar peinshan utpaadon ko badhaava dene ke liye peinshan utpaadon mein nivesh par alag se seema tay kar sakti hai. Udyog ko ummeed hai ki vitt mantri pi. Chidambaram is sambandh mein bajat mein ghoshana kar sakte hain jisse upabhoktaaon ke saath-saath jeevan beema udyog ko laabh hoga. Sootron ne kaha ki jeevan beema udyog ko protsaahit karne ke liye sarkaar dvaara kuchh anya protsaahan upaayon par vichaar kiya ja raha hai jismein paalisi bechne vaale agenton ke liye adhik protsaahan shaamil hai.

Bajat Mein Peinshan, Jeevan Beema Pauliseedhaarakon Ko Mil Sakti Hai Aur Riyaayat https://www.angrejinews.com/pic/2127