Bajat Mein Aam Aadmi Ke Liye Kuchh Bhi Naheen Sushma Swaraj

Breaking »

Bajat Mein Aam Aadmi Ke Liye Kuchh Bhi Naheen  Sushma Swaraj

Nai Delhi: Vittamantri pi Chidambaram dvaara Loksabha mein pesh varsh 2013-14 ke aam bajat ko oobaaoo karaar dete hue Loksabha mein vipaksh ki neta Sushma Swaraj ne kaha ki bajat mein na koi drushti hai aur na hi ismein aam aadmi ko raahat pradaan karne ke liye koi pahal ki gayi hai. Bajat par pratikriya vyakt karte hue Sushma Swaraj ne kaha, bajat mein kalpanaasheelata ka abhaav hai. Yah behad sust aur oobaaoo bajat hai, jismein 'Aam aadmi' ka jikr tak gaayab hai. Unhonne kaha, vittamantri Chidambaram ne arthavyavastha ke saamane chunautiyaan hone ki baat ke saath apni baat ki shuruaat ki, lekin in chunautiyon se nipatne ka ek bhi kaaragar upaaya is bajat bhaashan mein naheen hai. Unhonne kaha ki bajat mein mahila, yuva aur gareebon ke liye kuchh bhi naya naheen hai aur sabhi ko niraasha haath lagi hai. Rajyasabha mein vipaksh ke neta arun jetali ne kaha ki bajat mein vinirmaan aur krushi kshetr ke liye kuchh naheen kiya gaya hai. Unhonne kaha, aarthik vikaas dar ko kaise aage le jaaya jaaega, iske liye kya upaaya kiye jaaenge, iska koi jikr naheen hai. Unhonne kaha ki samaaj ke jis tabake ko sabse adhik madad ki apeksha thi, unke liye behad maamooli peshakash ki gayi hai aur kharche ki madon mein mahaj roopaantaran kiya gaya hai tatha parivyaya mein paryaapt kami ki gayi hai.

Bajat Mein Aam Aadmi Ke Liye Kuchh Bhi Naheen Sushma Swaraj https://www.angrejinews.com/pic/3043