Bajat Mein 2.25 Lakh Rupaye Tak Ki Saalaana Aay Ho Sakti Hai Karamukt Visheshagya

Business » Sunday, February 24, 2013

Nai Delhi: Visheshagyon ke anusaar mahangaai ko dekhte hue aam bajat mein karamukt aay ki seema 25,000 rupaye badhaakar 2.25 lakh rupaye ki ja sakti hai aur vittamantri infrastructure bond mein niveshak par kar mein atirikt chhoot ka laabh dene ki yojana fir ghoshit kar sakte hain taaki aadhaarbhoot suvidhaaon ke vikaas ki pariyojanaaon ke liye adhik deerghakaalik poonji jutaai ja sake. Aarthik vishleshakon ka maanana hai ki najadeek aa rahe aam chunaavon dekhte hue sarkaar naukri pesha tabake ko kuchh raahat dene ke liye kar mukt aay ki seema do lakh rupaye se badhaakar 2.25 lakh rupaye ki ja sakti hai. Is tar aavaas rin par dedh lakh rupaye ke bajaay do lakh rupaye tak ke byaaj par karachhoot ka laabh diya ja sakta hai. Bhaarateeya company sachiv sansthaan (aaiseeesaaai) ke poorv adhyaksh nisaar Ahmad ke anusaar ''Is samay do lakh rupaye tak ki saalaana aay karamukt hai. Mahangaai ko dekhte hue yah kam hai, par sarkaari khajaane ki sthiti bhi kathin hai, aise mein 2.25 lakh rupaye tak ki aay karamukt ho sakti hai. Aayakar ki dhaara 80si ke tahat vibhinn prakaar ke nivesh par milne waali ek lakh rupaye ki kar chhoot ko bhi badhaakar kam se kam dedh lakh rupaye kiya ja sakta hai. '' Delhi share baajaar ke poorv adhyaksh aur pramukh share kaarobaari ashok Agrawal bhi maanate hain, ''2.25 lakh rupaye ki saalaana aay kar mukt ho sakti hai. Lekin bade ameeron par oonchi dar se kar lagaane se kaarobaari dhaarana bigad sakti hai. Infrastructure bond mein 20,000 rupaye tak ke nivesh par kar laabh suvidha fir shuru ho sakti hai. Pichhle bajat mein yah suvidha samaapt kar di gayi thi. Rajiv Gandhi ikviti bachat yojana ko aur aakarshak banaaya ja sakta hai. '' Vittamantri pi Chidambaram swayam kah chuke hain ki bajat mein Rajiv Gandhi ikviti yojana ko aur aakarshak banaaya jaaega. Pichhle saal tatkaaleen vittamantri Pranab mukharji ne iski ghoshana ki thi. Nae niveshakon ko share baajaar mein nivesh ke liye protsaahit karne ke vaaste 10 lakh rupaye tak ki saalaana kamaai vaale tabake dvaara 50,000 rupaye tak ke nivesh par use 50 pratishat karalaabh dene ka praavadhaan kiya gaya. Haal hi mein vittamantri ne Mumbai mein yojana ki shuruaat ki hai. Ashok Agrawal ke anusaar 'Is yojana ko keval naye niveshakon ke bajaay sabhi chhote niveshakon ke liye khola ja sakta hai. ' unhonne kaha ki share saudon par pratibhooti lenaden kar (esateeti) bhi samaapt hona chaahiye. Is samay esateeti dar 0.1 pratishat hai. Esaachaim pratyaksh kar samiti ke adhyaksh vedajain ke anusaar reeelti kshetr ko badhaava dene aur saste aavaas rin ka laabh badhaane ke liye vittamantri aavaas rin par saalaana 3,00,000 rupaye tak ke byaaj par kar chhoot ka prastaav kar sakte hain. Unhonne ghar se daftar aur daftar se ghar ke liye milne waali 800 rupaye ke bhatte ko badhaakar kam se kam 2,000 rupaye aur chikitsa kharch ki bharpaai seema ko bhi 15,000 se badhaakar saalaana 50,000 rupaye tak karne ka sujhaav diya. Peshe se chaartard ekaaunteint suneel jain ke anusaar aayakar ki dhaara 80si ke tahat beema premium, lokabhavishya nidhi aur bhavishya nidhi jama, paanch saal ki saavadhi bank jama, raashtreeya bachat patra jama tatha do bachchon ki fees sabhi ko ek lakh rupaye ke daayare mein rakha gaya hai. Yah kaafi kam hai ise badhaakar kam se dedh lakh rupaye kiya jaana chaahiye. Behtar sthitiyon mein yah do lakh rupaye honi chaahiye. Bade ameeron par adhik kar lagaane ka bade udyog sangathanon ne virodh kiya hai. Unka kehna hai ki isse kar apavanchana badhegi athva poonji ka pravaah doosare deshon ki taraf badh sakta hai. Haalaanki, kuchh visheshagyon ne kaha hai ki 20 lakh rupaye saalaana se adhik aay vaalon ke liye 35 pratishat kar ka naya slaib ban sakta hai. Vartamaan mein do lakh rupaye ki saalaana aay karamukt hai. Do se paanch lakh tak ki saalaana aay par 10 pratishat ki dar se aayakar lagta hai jabki 5 lakh se 10 lakh rupaye ki aay par 20 pratishat aur 10 lakh rupaye se adhik ki aay par 30 pratishat ki dar se aayakar lagaaya jaata hai. Pichhle saal bajat pesh karte hue tatkaaleen vittamantri Pranab mukharji ne bachat khaate mein 10,000 rupaye tak ki byaaj aay ko karamukt kar diya tha. Isse pichhle varsh 60 varsh se adhik aayu ke varishth naagrikon ki 2.50 lakh rupaye tak ki saalaana aay karamukt kar di gayi thi jabki 80 varsh athva isse adhik ke bujurgon ki vishesh shreni banaate hue unki paanch lakh tak ki saalaana aay kar mukt kar di gayi.