Bajat Bhaashan Mein 'Hansi Ka Tadka Aur Mahaapurushon Ka Smaran

Breaking »

Bajat Bhaashan Mein 'Hansi Ka Tadka Aur Mahaapurushon Ka Smaran

Nai Delhi: Behad gambhir mudra apanaae rakhane vaale vittamantri pi Chidambaram ka 'Haasya bodh' bhi kaafi suvichaarit hota hai aur apne bajat bhaashan mein unhonne iska parichay bhi diya. Unhonne Loksabha mein varsh 2013-14 ka aam bajat pesh karte hue beech-beech mein hansi ka tadka bhi lagaaya aur arthashaastr ke aankadon se bhaari bharakam hue maahaul ko halka karne ki koshish ki. Lagjari kaaron, motorcyclon, yaach aur lagjari naukaaon par shulk badhaae jaane ki bhoomika baandhate hue vittamantri halka sa muskuraae aur kaha ki Bhaarat mein ek aisa dhani varg hai, jo mahangi aayaatit vastuon ka upabhog karta hai. Mujhe vishvaas hai ki yah varg thoda aur shulk bhugataan karne par bura naheen maanega. Kai sadasya unki is bhoomika par muskuraate dekhe gaye. Isi tarah, Chidambaram ne sigret, sigaar, choorat aadi par utpaad shulk badhaane ki baat rakhane se pehle bhi bhoomika baandhi. Vah halka sa muskaraae aur kaha, saadhan jutaane ki baat aati hai, to ek vittamantri kya karta hai? Iska javaab hai sigret. Main sigret par vishesh utpaad shulk badhaane ka prastaav karta hoon. Apne bajat bhaashan mein vittamantri ne teen mahaan hastiyon ka naam liya. Unhonne shuruaat mein Nobel puraskaar arthashaastri Joseph stiglitj ki panktiyon ko uddhrut kiya, to vaheen bhaashan ka samaapan apne pasandeeda kavi sant tiroovalluvar tatha svaami vivekaanand ki panktiyon ko uddhrut karte hue kiya. Unhonne tiroovalluvar ki jin panktiyon ka jikr kiya unka arth tha, poori spashtata ke saath aankhein jise sahi dekhti hain, use drudh ichhaashakti aur majaboot iraadon ke saath insaan ko haasil karna chaahiye. Isi prakaar unhonne svaami vivekaanand ka ullekh karte hue kaha, aap jo bhi taakat aur oorja chaahate hain, vah aapke bheetar hai, isliye apna bhavishya khud banaao.

Bajat Bhaashan Mein 'Hansi Ka Tadka Aur Mahaapurushon Ka Smaran https://www.angrejinews.com/pic/3046