Bajat 2013 Inakam Tax Slaib Mein Badlaav Naheen, Ameeron Par Jyaada Tax

Business » Thursday, February 28, 2013

Nai Delhi: Vittamantri pi Chidambaram ne agale vittavarsh mein paanch lakh rupaye tak ki kul aay vaale karadaata ko do hajaar rupaye ki kar chhoot dene ka prastaav kiya hai. Unhonne kaha ki sarkaar ke is kadam se 1.8 karod kardaataaon ko 3,600 karod rupaye ka laabh hoga. Haalaanki unhonne kar ke maujooda slaib mein kisi tarah ka badlaav naheen kiya hai. Unhonne kaha ki maujooda slaib pichhle saal hi shuroo kiye gaye the, isliye inki daron mein sanshodhan ki jaroorat naheen hai. Chidambaram ne saalaana ek karod rupaye se adhik ki kar yogya aay par 10 pratishat adhibhaar lagaane ka prastaav kiya hai. Unhonne kaha ki yah adhibhaar vyaktigat kar daata, hindu avibhkt parivaaron tatha samaan kar sthiti waali farmon va sangathanon par laagoo hoga. Unhonne kaha ki desh mein sirf 42,800 vyakti aise hain, jinhonne sveekaar kiya hai ki unki saalaana kar yogya aay ek karod rupaye se adhik hai. Saath hi unhonne spasht kiya ki atirikt adhibhaar keval ek saal yaani vittavarsh 2013-14 ke liye honge. Iske alaava Chidambaram ne saalaana 10 karod rupaye se adhik kar yogya aay waali ghareloo companiyon par adhibhaar ko paanch pratishat se badhaakar 10 pratishat karne ka prastaav kiya hai. Unhonne kaha ki nigam kar ki uchchatar dar ada karne waali videshi videshi companiyon ki sthiti mein yah adhibhaar do pratishat se badhaakar paanch pratishat karne ka prastaav hai. Chidambaram ne laabhaansh vitran kar athva sanvitrit aay par kar jaise sabhi anya maamalon mein maujooda adhibhaar ko paanch pratishat se badhaakar 10 pratishat karne ka prastaav kiya hai. Vittamantri ne bajat mein utpaad evam sevaakar ki daron ko 12 pratishat par barkaraar rakha hai. Gair-krushi utpaadon ke aayaat par aayaat shulk ki sheersh dar ko bhi 10 pratishat par barkaraar rakha gaya. Vittamantri ke pratyaksh kar prastaavon se sarkaari khajaane mein 13,300 karod rupaye ki praapti hogi, jabki apratyaksh karon ke kshetr mein kiye gaye nae prastaavon se 4,700 karod rupaye ka raajasv milega. Vaishvik aur ghareloo kshetr mein chhaai susti se joojh rahe vittamantri ne companiyon ke laabhaansh vitran kar aur vitrit aay par lagne vaale kar ke maamale mein bhi adhibhaar ko paanch se badhaakar 10 pratishat karne ki ghoshana ki. Vittamantri ne kaha, tangi waali arthavyavastha mein, atirikt kar jutaane athva kar badhaane ki gunjaaish kam hoti hai. Isi tarah kar raajasv athva daayare mein aae kar aadhaar ko chhodne ki bhi jyaada gunjaaish naheen rahati. Is lihaaj se yah samay soojhaboojh, sanyam aur dhairya banaae rakhane ka hai. Unhonne kaha ki ameeron par lagne vaale adhibhaar aur ghareloo aur videshi companiyon par badhaaya gaya atirikt adhibhaar keval ek saal (2013-14) ke liye amal mein rahega. Unhonne kaha, mujhe ummeed hai ki har prabhaavasheel karadaata mein thodi bahut ajeem premaji ki tarah josh hoga aur mujhe poora vishvaas hai ki adhik samruddh log sirf ek saal ke liye is halke bojh ko khushi-khushi vahan kareinge. Chidambaram ne kaha ki 25 lakh rupaye ke aavaas rin par pehli baar ghar khareedne vaalon ko kar chhoot milegi. Vittamantri ne kaha ki aise khareedaaron ko 2014-15 mein ek lakh rupaye tak ke byaaj ki atirikt katauti ki suvidha bhi pradaan ki jaaegi aur yadi yah seema is varsh samaapt naheen hoti hai, to shesh raashi ka daava 2015-16 mein kiya ja sakega. Vittamantri ne Bhaarat mein sarkaari kshetr mein pehla mahila bank sthaapit karne ki bhi ghoshana ki hai. Unhonne kaha ki praarambhik poonji ke roop mein is bank par 1,000 karod rupaye ki aaranbhik poonji ka praavadhaan kiya jaaega. Chidambaram ne kaha ki poonji nirmaan ke liye bankon ko 2013-14 mein 14 hajaar karod rupaye diye jaaenge. Unhonne kaha ki saarvajanik kshetr ke bankon ki sabhi shaakhaaon mein 31 March, 2014 tak ATM suvidha upalabdh karaai jaaegi. Vittamantri Chidambaram ne kaha ki chaaloo vitt varsh (2012-13) mein raajakosheeya ghaata anumaanat: Sakal ghareloo utpaad (GDP) ka 5.2 feesadi rahega, jo 5.3 pratishat ke lakshya se kam hai. Vittamantri ne Loksabha mein 2013-14 ka bajat pesh karte hue kaha, chaaloo vittavarsh mein raajakosheeya ghaata GDP ka 5.2 pratishat rahega. 2013-14 mein main ise 4.8 pratishat par laane ka prastaav karta hoon. Iske alaava raajasv ghaata chaaloo vittavarsh mein 3.9 pratishat par rahega, jise agale vittavarsh mein ghataakar 3.3 feesadi par laaya jaaega. Vittamantri ne 50 lakh rupaye se adhik ki achal sampattiyon ke hastaantaran moolya par ek pratishat ki dar se srot par kar katauti (teedeees) ka prastaav kiya hai. Yah prastaav krushi bhoomi par laagoo naheen hoga. Unhonne kaha ki aamtaur par achal sampattiyon se hone vaale lenaden ka moolyaankan aur reporting kam ki jaati hai. Aadhe maamalon mein to sambandhit pakshon ke pain number bhi naheen diye jaate. Vittamantri ne kaha ki isi ke maddenajar is tarah ke hastaantaran par teedeees ka prastaav kiya gaya hai. Chidambaram ne bataaya ki krushi rin utpaadan ki pramukh shakti hai, isliye unhonne varsh 2012-13 ke liye nirdhaarit 5,75,000 karod rupaye ke lakshya ko badhaakar saat lakh karod rupaye karne ka prastaav kiya hai. Unhonne bataaya ki laghu avadhi ke liye fasali rinon ke liye byaaj maafi yojana jaari rahegi. Samay par rinon ka bhugataan karne vaale kisaanon ko prati varsh saat pratishat ki dar se rin pradaan kiye jaaenge. Abhi tak yah yojana saarvajanik kshetr ke bankon, kshetreeya graameen bainko tatha sahakaari bankon dvaara diye gaye rinon par laagoo hai. Unhonne niji kshetr ke anusoochit vaanijyik bankon dvaara diye gaye fasal rinon ke liye bhi is faayde ko dene ka prastaav kiya hai. Delhi mein chalti bas mein paira-medical chhaatra ke saath saamoohik balaatkaar aur baad mein usaki maut tatha isse desh bhar mein upaje janaakrosh ke pariprekshya mein sarkaar ne 1,000 karod rupaye ke anshadaan se 'Nirbhaya nidhi' banaane ka prastaav kiya hai. Vittamantri pi Chidambaram ne Loksabha mein 2013-14 ka aam bajat pesh karte hue kaha, mahilaaon ki garima aur suraksha sunishchit karna hamaari saamoohik jimmedaari hai. Ham ladkiyon aur mahilaaon ko sashakt aur surakshit banaane ke liye harsambhav kaarya kar rahe hain. Iske liye 1000 karod rupaye ke sarkaari anshadaan se 'Nirbhaya nidhi' banaae jaane ka prastaav hai. Chidambaram ke bajat bhaashan ki mukhya jhalakiyaan. . . 2000 rupaye se oopar ka mobile phone mahanga mahilaaen ekh lakh tak ka sona bina duty la sakeingi sigret par eksaaij duty badhkar 18 pratishat hui videsh se aane vaale chamade ke saamaan saste custom duty aur service tax mein badlaav naheen ab E-return aur E-faailing par jyaada jor mahangi baaik par duty 75 pratishat se 100 pratishat videshi gaadiyaan mahangi huin kheti ki jameen khareedne va bechne par tax naheen prauparti ke len-den par ek feesadi tax katega 50 lakh ki prauparti ki khareed bikri par ek pratishat tax inakam tax slaib mein koi badlaav naheen 2-5 lakh vaarshik kamaane vaalon ko 2,000 rupaye ki raahat ek karod rupaye ki saalaana aay par 10 pratishat sarachaarj education ses teen feesadi bana rahega 10 karod rupaye se adhik aay waali companiyon ko sarachaarj paanch se badhaakar 10 pratishat videshi companiyon ko do ki jagah paanch pratishat sarachaarj mahila suraksha ke liye 'Nirbhaya fund' ko 1,000 karod eemayoo aur beeechayoo ko 100-100 karod ka bajat vitteeya ghaata 5.2 pratishat par raha shahari vikaas ke liye 2,000 karod pehle mahila sarkaari bank ke liye 1,000 karod pehla mahila sarkaari bank October, 2013 tak khulega raksha aavantan badhkar do lakh karod se zyaada huaa sarkaar ki 16.65 lakh karod kharch karne ki yojana 12veen yojana mein paanch karod logon ko prashikshan saal 2014 tak 10 hajaar ki aabaadi vaale sabhi kasbon mein elaaaisi ka ek daftar. sarkaari bankon ki har shaakha par ATM hoga mahilaaon ke liye khulega pehla saarvajanik kshetr ka bank vigyaan takaneek mantraalaya ko 6,200 karod SEBI kaanoon mein sanshodhan par vichaar hathakaragha vikaas ke liye 2,400 karod bunakaron ko chhah feesadi par karj milega laghu-manjhole udyog bade bhi ho jaaen to teen saal ki chhoot saat nae shaharon aur do smart city ka vikaas do nae bandaragaahon ke vikaas ka lakshya shreenagar-leh ke beech naya highway banega pehle ghar ke liye 25 lakh tak ke loan par riyaayat food sikyoriti bill ke liye 10,000 karod atirikt JNNURM ke liye 14,873 karod Rajiv Gandhi ikviti skeem udaar banegi bajat anumaan mein 6.5 pratishat ki vruddhi 100 karod ka kredit guaranty fund banega 50 hajaar karod ke karamukt bond khaadya suraksha bill UPA ka vaada hai niveshakon ko bharosa dilaana jaroori hai infraastraktar mein 55 lakh karod nivesh ka lakshya yojanaagat kharche 5.55 lakh karod rupaye Ranchi mein baayotek sansthaan banega chaaval vaale raajyon ko 1,000 karod UPA flaigaship yojanaaon ke liye 80,190 karod indira aavaas yojana ke liye 15,184 karod 80,200 karod graameen vikaas ke liye maanav sansaadhan ke liye 17 feesadi poorvi raajyon ko 1,000 karod rupaye krushi vividheekaran ke liye 500 karod krushi karj ke liye saat lakh karod manarega ke liye 33,000 karod krushi mantraalaya ko 27,000 karod Jawahar laal Nehru shahari naveekaran yojana ko 14,000 karod 1,400 karod paani saaf karne ke plant par vaatarashed ke liye 5,387 karod rupaye fir se banegi naalanda university 15,000 karod se oopar peyajal aur svachhata ko mid de mil ke liye 13,000 karod 110 karod viklaangata se nipatne ke liye 4,700 karod medical shiksha ke liye svaasthya ke liye 37,000 karod 1,069 karod aayush vibhaag ke liye alpasankhyak mantraalaya ko 3,500 karod se zyaada ka bajat global mandi ka asar Bhaarat par bhi pada vaishvik arthavyavastha se achhoota naheen hai Bhaarat, aur vaishvik vruddhi dheemi hone se bhaarateeya niryaat mein giraavat varsh 2011 ke baad hamaari arthavyavastha maddham hui sirf cheen aur Indonesia ki vikaas raftaar hamse tej ham fir se haasil kar sakte hain oonchi vikaas dar hamaara lakshya samagr aur tikaaoo vikaas videshi nivesh ke alaava koi raasta naheen vikaas ke model mein lokataantrik vaidhata aham sarkaar ne Kelkar samiti ki aham sifaarishein maani hain daliton-aadivaasiyon-pichhadon ka vikaas bhi behad aham tel aur daal ka utpaadan kam gair-yojana mad mein 16 lakh karod se oopar ka vyaya humne sabhi mantraalayon aur mahakamon ko poora mad diya avsar, shiksha, hunar rojagaar jaroori alpasankhyakon, mahilaaon aur bachchon ke liye alag se dhan bachchon ke liye 77 hajaar karod se oopar ka bajat bhaari raajakosheeya ghaate ke kaaran mere paas vyaya ko yuktisangat banaane ke alaava aur koi vikalp naheen hai chaaloo khaata ghaate ke vitteeyan ke liye 75 arab dollar ki jaroorat hogi aarthik praathamiktaaon ke anuroop pratyaksh videshi nivesh (FDI) ko protsaahit karne ki jaroorat thok moolya par aadhaarit mahangaai dar (dablyoopeeaai) ghatkar saat feesadi, khaadya mahangaai dar ab bhi chintaajanak