Baisaakhi Mele Mein Haathon-haath Bik Rahi Hai Bhullar Ki Tasveer Waali Ti-shart

Breaking »

Baisaakhi Mele Mein Haathon-haath Bik Rahi Hai Bhullar Ki Tasveer Waali Ti-shart

Nai Delhi. . Devindar paal Singh bhullar ki maut ki saja Supreme court dvaara barkaraar rakhane par Punjab ki siyaasat garama gayi hai. Is faisale ke baad bhullar ki patni navaneet Kaur ne kaha tha ki ab yah ladaai hamaari kaum ki ho gayi hai. Iska asar taalavandi saabo mein baisaakhi mela ke dauraan saaf dikha. Baisaakhi mela mein raunak naheen hai balki ek kism ki aakraamakata dekhne ko mil rahi hai. Bhullar par charcha garam hai. Yahaan ke lagbhag staul devindar paal Singh bhullar ki tasveer lagi ti-shart bech rahe hain. Iske saath hi bhullar ki faansi par tatkaal rok lagaane ke liye signechar kainpen bhi chalaaya ja raha hai. Blog: Apne baap ke hatyaare ko maaf kar sakoge? Amrutasar mein shiromani akaali dal neta simranajeet Singh ne ek conference ke dauraan kaha ki yah faisala poori tarah se ektarfa hai. Sikh samudaaya ko yah faisala manjoor naheen hai. Unhonne kaha ki yahaan hamesha muslim aur sikhon ke khilaaf adaalati faisale aate hain. Simranajeet ne poochha ki 84 ke dange mein ek shakhs ko maut ki saja mili thi, jise aajeevan kaid mein badal diya gaya. Doosari taraf daara Singh ne bachchon ko jinda jalaaya tha ki jiski maut ki saja aajeevan kaaraavaas mein tabdeel kar di gayi. Bhullar ne 18 saal ki raatein jail mein kaati hain jo ki aajeevan kaaraavaas ke baraabaar hai. 133 gavaahon mein se kisi ne bhi ek bayaan tak naheen diya. Yahaan tak ki 3 judgeon ke panel mein se ek judge ne faansi ki saja ko khaarij kar diya iske baavajood bhullar ko nishaana banaaya gaya. 6 hafte pehle se hi Punjab ke bhashaai akhbaaron mein bhullar ki faansi par rok ke liye sinnechar kainpen chalaaya ja raha hai. Ab tak 80 lakh signechar juta liye gaye hain. Ek karod signechar ekatr karne ki yojana hai. Iske baad raashtrapati pranav mukharji ko saunpa jaaega. Udhar bhullar ki ti-shart bahut teji se bik rahi hai. Ek ti-shart 100 rupae mein bechi ja rahi hai. Paatiyaala mein ek dukaan chalaane vaale haramindar Singh ne kaha ki bhullar ki ti-shart ka stock khatm ho chuka hai. Logon ki maang abhi bhi bani hui hai. Haramindar ne bataaya ki mujhe is faisale ke baare mein koi aaidiya naheen hai.

Baisaakhi Mele Mein Haathon-haath Bik Rahi Hai Bhullar Ki Tasveer Waali Ti-shart https://www.angrejinews.com/pic/5503