Baid Loan Badhne Se IDBI Bank Ka Munaafa 28 Feesadi Daaun

Business »

Baid Loan Badhne Se IDBI Bank Ka Munaafa 28 Feesadi Daaun

iti bureau Mumbai March 2013 timaahi mein IDBI bank ke net praufit mein 28 feesadi ki badhotri hui. Is dauraan bank ka praufit 770 karod rupae se ghatkar 554 karod rupae ho gaya. Bank ke munaafe mein giraavat ki vajah baid loan mein jabaradast badhotri hai. Munaafe mein giraavat ke baavajood bank ne 35 feesadi divideind dene ka elaan kiya hai. Chauthi timaahi mein reestrakchard aur baid loan ke liye bank ki provijning 200 feesadi badh gayi. Ek saal pehle isi peeriyd mein jahaan yah rakam 283 karod rupae thi, vaheen is March timaahi mein yah badhkar 869 karod rupae ho gayi. Bank ke adhikaariyon ne naam jaahir naheen kiye jaane ki shart par bataaya ki Kingfisher airlines aur Deccan kraunikl ko diye gaye bade loan ke kaaran provijn mein badhotri karni padi. In donon maamalon mein bank na to loan ki rikvari kar paaya aur na hi iski reestrakcharing ho saki. Nateejon ke elaan ke baad IDBI bank ke egjikyootiv director aar ke bansal ne bataaya, 'Is timaahi mein reestrakchard aur baid loan ke liye jyaada provijning se munaafe mein giraavat I. Haalaanki, hamein lagta hai ki baid loan peek par pahunch gaya hai. ' unhonne kareint fiscal iyar ke liye outlook behtar hone ke sanket diye. Unhonne bataaya, 'Sarkaar ikanaumi ki raftaar tej karne ke liye kadam utha rahi hai. Iska positive asar hoga. Lihaaja, agar ikanaumi ki haalat kharaab naheen hoti hai, to agale saal reestrakchar loan ka dabaav ghat jaaega. ' bank ne is baar 13,564 karod ke loan ki reestrakcharing ki hai, jabki pichhle saal yah 10,037 karod rupae raha tha. Agar ham fiscal iyar 2012-13 ki baat karein, to is dauraan IDBI ka net praufit 6 feesadi giraavat ke saath 1,882 karod rupae raha. Baid loan 29 feesadi ki badhotri ke saath 6,449 karod rupae par pahunch gaya, jabki poore saal ke liye provijn double hokar 2,836 karod rupae ho gaya. Chauthi timaahi mein net intarest inakam mein 19 feesadi ki badhotri hui aur yah 1,440 karod rupae par pahunch gaya. Isi tarah, fi inakam 34 feesadi badhkar 875 karod rupae ho gayi.

Baid Loan Badhne Se IDBI Bank Ka Munaafa 28 Feesadi Daaun https://www.angrejinews.com/pic/6799