Bahut Kuchh Kiye Jaane Ki Jaroorat Manmohan Singh

India »

Bahut Kuchh Kiye Jaane Ki Jaroorat Manmohan Singh

-Manmohan Singh . . . . . . . . . . . . . . . . . . . . . . . PTI. Nai Delhi: PM Manmohan Singh ne kaha hai ki mahilaaon ke khilaaf hone waali hinsa se nipatne ke liye 'Bahut kuchh kiye jaane ki jaroorat' hai. Unhonne maana ki Delhi gang-rape kaand ki vajah se sarkaar ko kaanoonon mein badlaav ke liye majaboor hona pada. Manmohan Singh ravivaar ko raajyon ke cheef ministar aur haai court ke cheef jastison ki conference mein sambodhit kar rahe the. Haalaanki, PM ne is baat ki sambhaavana ko nakaara ki Delhi gang-rape case ke maddenajar judishl system ki turant vivechana ki jaroorat hai. Singh ke mutaabik, haadase ke baad sarkaar ne logon ki sanvedanaaon ke maddenajar behad teji se kaarravaai ki aur mahilaaon ke khilaaf hone vaale hinsa se nipatne ke liye kaanoonon mein jaroori badlaav kiye. Haalaanki, jo kadam uthaae gaye, sarkaar vaheen tak seemit naheen hain. Jahaan tak mahilaaon ke prati hone waali hinsa ka savaal hai, abhi bhi bahut kuchh kiye jaane ki jaroorat hai. PM ne mahilaaon ke khilaaf hone vaale aparaadhon se nipatne ke liye special court ke nirmaan ke liye judishri ka dhanyavaad diya. Desh mein aur judgeon ki jaroorat: Desh mein janasankhya ke lihaaj se filhaal judgeon ke anupaat ko PM ne poori tarah se naakaafi karaar diya. Unhonne kaha, filhaal prati das lakh janasankhya par 15.5 judgeon ka anupaat poori tarah naakaafi hai. PM ne mukhyamantriyon ko aashvaasan diya ki 3 karod se adhik lambit mukadamon par dhyaan dene ke lihaaj se nichli nyaayapaalika ke buniyaadi dhaanche ke nirmaan ke liye kendra ki or se aur adhik aarthik madad di jaaegi. Doosare kism ke fast track court bhi: Pradhaanamantri ne kaha ki kendra sarkaar 14vein vitt aayog ke saath milkar kaam karegi aur usase darakhvaast karegi ki keval jaghanya aparaadhon ke maamalon ke liye hi naheen, balki bujurg, mahilaaon aur bachchon ke khilaaf vaaradaaton ke mukadamon ko teji se niptaane ke liye bhi fast-track adaalatein banaane ke baabat dhanaraashi nirdhaarit ki jaae.

Bahut Kuchh Kiye Jaane Ki Jaroorat Manmohan Singh https://www.angrejinews.com/pic/4813