Badle Ki Bhaavana Se Kaam Kar Rahi Hai Akhilesh Sarkaar Maayaavati

Breaking »

Badle Ki Bhaavana Se Kaam Kar Rahi Hai Akhilesh Sarkaar Maayaavati

Lucknow. . Maayaavati ne uttar pradesh ki Akhilesh Yadav sarkaar par karaara hamla bola hai. Unhonne kaha ki kaanoon-vyavastha aur vikaas ke morche par yah sarkaar poori tarah se naakaam rahi hai. UP ke poorv mukhyamantri ne kaha ki sarkaar raajaneetik badle ki bhaavana se kaam kar rahi hai. Unhonne kaha ki bheemaraav anbedakar ki 122veen jayanti ke mauke par saamaajik parivartan sthal par aayojit samaaroh mein party dvaara lagaae gaye poster aur banner Akhilesh sarkaar ne hatava diye. BSP pramukh ne kaha, 'Sarkaar yah pehle se jaanti thi ki Baba saahab ki jayanti par laakhon log unhein shraddhaanjali dene yahaan pahunchege. Is mauke par poore desh mein samaaroh aayojit kiye ja rahe hain aur kaheen bhi poster banner lagaane ke liye koi anumati ki jaroorat naheen hai. Maayaavati ne kaha ki maujooda sarkaar ke rukh ko dekhte hue party kaaryakartaaon ne sthaaneeya prashaasan se hording lagaane ki anumati bhi le rakhi thi. Samaajavaadi party sarkaar raajaneetik badle ki bhaavana se kaam kar rahi hai aur uske nishaane par BSP hai. Maayaavati ne adhikaariyon par sattaaroodh samaajavaadi party ke ishaare par kaam karne ka aarop lagaaya. Haal hi mein devariya ki bhaatapaararaani vidhaanasabha seat ke liye hue upachunaav mein samaajavaadi party ke ummeedavaar ke paksh mein jamkar gadbadi ki gayi hai. Yah baat ek bade adhikaari ne bhi sveekaar ki. Ab handiya vidhaanasabha seat ke liye upachunaav hone vaala hai. Hamaari najar bani hui hai, lekin is baar jo adhikaari gadbadi kareinge, BSP ki sarkaar banane par unke khilaaf jaanch karva kar kathor kaarravaai ki jaaegi. Maaya ne kaha ki samaajavaadi party sarkaar mein BSP sarkaar dvaara bhoomiheenon ko patte par di gayi bhoomi par dabang log jabaran kabja kar rahe hain.

Badle Ki Bhaavana Se Kaam Kar Rahi Hai Akhilesh Sarkaar Maayaavati https://www.angrejinews.com/pic/5509