Badlaav Garmiyon Mein Nange Paanv Football Practice Karte The Yuva Khilaadi, Aaj I-league Mein Champion Banane Ke Kareeb Real Kashmir

Sports »

Badlaav Garmiyon Mein Nange Paanv Football Practice Karte The Yuva Khilaadi, Aaj I-league Mein Champion Banane Ke Kareeb Real Kashmir

Shreenagarapichhle teen dashakon mein bahut kam hi aise mauke rahe hain jab Kashmir mein aam aadmi ko khushi mili ho. Real Kashmir football club (efasi) ki sthaapana bhi unheen maukon mein se ek hai, jab ghaati ki janta ko khushi aur garv mahasoos hua. Varsh 2017-18 mein I-league ke second divijn ka champion banane ke baad is season real Kashmir ne shaanadaar pradarshan karte hue khud ko first divijn khitaab ki daud mein banaae rakha hai. Vah filhaal, 32 ankon ke saath taalika mein doosare paayadaan par kaabij hai. Ghaati mein 1960 ke dashak ke baad se football bahut lokapriya raha. Sthaaneeya teemon ke beech hone vaale mukaabale ko dekhne ke liye darshak bhaari sankhya mein stadium ka rukh karte the lekin 1980 ke dashak ke ant mein sashastr vidroh ne is khel par viraam laga diya. Transport, food saplaai evam police dipaartameint jaisi sthaaneeya football teemein ghaati mein chir-pratidvandvi maani jaati rahi hain aur sthaaneeya football khilaadiyon ne kabhi socha bhi naheen tha ki unhein raajya ke baahar kisi pratiyogita mein hissa lene ka mauka milega. Real Kashmir ke banane se in khilaadiyon ke hausale buland hue hain. Match ke dauraan badi taadaad mein sthaaneeya darshak saamajik dooriyon ko mitaakar tourist risepshan center (TRC) maidaan mein pahunchate hain. 15,000 darshakon ki kshamata vaale is maidaan par real Kashmir ke sabhi match khele jaate hain. Ek football prashansak aur college se retire ho chuke principle ne kaha, 'Hamein hamesha se vishvaas tha ki hamaare ladkon mein first class football khelne ki kshamata hai. Real Kashmir ki sthaapana ne hamein saheen saabit kar diya. ' Anya logon ka maanana hai ki team ke shaanadaar pradarshan ne yeh darshaaya hai ki maukon ki kami ke kaaran varshon tak ladkon ki kshamataaon ka sahi upayog naheen ho paaya. Is season team ke sabhi match dekhne vaale prashansak shabbeer Ahmad ne kaha, 'Hamaare paas apne football khilaadiyon ki pratibha ko nikhaarane ke liye kuchh naheen tha. Garmiyon ke kuchh maheenon ke dauraan ladake nange paanv asamatal maidaanon par football khelte the aur garmiyon ke maheenon ke dauraan ki gayi unki mehnat ko sabhi kathor sardiyon mein bhula dete the. ' Ahmad ne kaha, 'Hamaare football khilaadiyon ki pratibha ko nikhaarane ke uddeshya se sabhi suvidhaaen ke saath ek peshevar football team ki sthaapana karne ka yeh shreya real Kashmir efasi ke maalikon, coach aur sabse jyaada uske khilaadiyon ko jaata hai. ' Sno lepards ke naam se mashahoor real Kashmir ki sthaapana 2016 me hui thi. I-league mein bhaag lene wala Kashmir ka yeh pehla club hai. 2016 mein team ne durand cup mein bhaag liya tha aur use jald hi safalta mili. Scotland ke club reinjars aur arabadeen se khel chuke mukhya coach David robartasan ke maargadarshan mein team ne behatareen pradarshan kiya aur 2017-18 mein I-league ke second divijn ka khitaab jeetne ke baad 2018-19 season mein first divijn mein jagah banaai. Club ko nai oochaaiyon par pahunchaane ke liye maalik shahaameem meharaaj aur sandeep chattoo lagaataar kadi mehnat kar rahe hain. Team ka protsaahan karne aur desh mein first class football club ke maanakon par khada utarane ke liye raajyapaal satya paal malik ne Jammu mein haal mein hue ek pradarshani match ke baad team ko 2 karod rupaye ka check diya. Shahaameem ne kaha, 'Hamaare sapanon aur aakaankshaaon ko abhi ek lamba safar tay karna hai kyonki ham team ko desh aur desh ke baahar ki taalikaaon mein sheersh par dekhna chaahate hain. Hamaare coach ke prayaason aur hamaare ladkon dvaara ki gayi kadi mehnat ke kaaran aane wala samay nishchit roop se real Kashmir efasi ka hai. '

Badlaav Garmiyon Mein Nange Paanv Football Practice Karte The Yuva Khilaadi, Aaj I-league Mein Champion Banane Ke Kareeb Real Kashmir https://www.angrejinews.com/pic/253929