Badhti Mahangaai Ke Liye Kendra Jimmedaar Rajnath

India »

Badhti Mahangaai Ke Liye Kendra Jimmedaar  Rajnath

enabeeti news. Sahaaranapur : BJP ke raashtreeya adhyaksh aur poorv mukhyamantri Rajnath Singh ne kaha ki desh ki badahaali aur badhti mahangaai ke liye kendra sarkaar jimmedaar hai. Unhonne desh mein badhti samasyaaon ke liye kendra sarkaar ko nishaana banaaya, vaheen UP mein ganna kisaanon ke bakaae ka bhugataan na karne ke liye Akhilesh sarkaar ko aade haathon liya. Rajnath sih ne nakud mein aayojit janasabha mein sabse pehle kisaanon ke jakhmon ko kureda aur pradesh mein jugaad par pratibandh lagaane ko kisaanon ke hiton par chot bataaya. Unhonne poochha ki ganna kisaanoein ke 5.50 hajaar karod ke bakaaye par Akhilesh sarkaar chup kyon hai? Rajnath ne kaha ki mil maalik milein band kar chuke hainn, par pradesh sarkaar ne ganna kisaanon ke bakaae ka bhugataan ab tak naheen kiya hai. Unhonne pradesh sarkaar par aarop lagaaya ki levi ke khatm hone se mil maalikon ko 3200 karod ka faayda huaa hai, lekin usamein se kisaanon ko kuchh bhi nahi mila. Rajnath ne kaha ki agar Loksabha chunaav ke baad kendra mein BJP ki sarkaar banti hai to kisaanon ko 0 feesadi byaaj par karj dilaaya jaaega. Unhonne daava kiya ki BJP shaasit raajyon, Karnataka, Chhattisgarh, Madhya Pradesh aadi mein kisaanon ko 0 parseint byaaj par rin ki suvidha di ja rahi hai . Rajnath ne kaha ki aajaadi ke baad 54 saal tak kendra mein Congress ne raaj kiya hai, par Congress ke raaj mein gareeb aur madhyam varg ko kamaratod mahangaai ka saamana karna pada . Unhonne kendra sarkaar ko har morche par vifal bataaya. Unhonne kaha ki desh ki seemaaen asurakshit hai. Pakistan Bhaarat ko aankhein dikhaane ki naapaak himaakat kar raha hai. Uske sainik bhaarateeya seema mein ghuusakar bhaarateeya sainikon ke sir kaatkar le gaye . Rajnath ne SP aur BSP ko kendra ke paapon mein bhaageedaar bataate hue kaha ki ye donon baahar to aapas me jhagadte hai, par donon dal kendra ki UPA sarkaar ka samarthan kar rahe hain.

Badhti Mahangaai Ke Liye Kendra Jimmedaar Rajnath https://www.angrejinews.com/pic/5417