Bade Aiktiv Sabsakraaibar Base Se Growth Ko Milegi Raftaar

Business »

Bade Aiktiv Sabsakraaibar Base Se Growth Ko Milegi Raftaar

Ranjit shinde March 2013 mein khatm kvaurtar mein aaidiya selyular ke rijlts ummeed se behtar rahe hain. Company ka yah performance pichhle kai kvaurtars mein sabse achha raha hai. Company ko apne vauis aur naun-vauis bijnas mein growth ko dekhte hue is performance ke bhavishya mein bhi bane rahane ki ummeed hai. Achhi baat yah hai ki lokal market mein kaumpititiv preshar mein bhi kami aa rahi hai. Desh ki doosari sabse badi telikaum company aaidiya selyular ne 6061.4 karod rupae ka revenyoo haasil kiya hai. Ainaalists ko company ka revenyoo 5,900 karod rupae rahane ki ummeed thi. Chauthe kvaurtar mein company ka revenyoo 8.7 feesadi badha jismein network vauis minute mein itne hi feesadi ki badhotri ka bada haath raha. March kvaurtar mein company ka net praufit pichhle kvaurtar se 35 feesadi badhkar 308.2 karod rupae raha. Haalaanki ainaalists 265 karod rupae ka praufit hone ki ummeed kar rahe the. Ismein pichhle kvaurtar ke mukaabale behtar operating performance, kam faainains kaust aur kam faureks loss se kaafi madad mili. Prati user vauis revenyoo mein sthirta, network se nikalne vaale sabsakraaibar ki sankhya mein kami ke saath aiktiv user base aur data service yooj mein badhotri, aise kuchh faiktars hain jinse company ko aane vaale kvaurtars mein momeintam banaae rakhane mein madad milegi. Company ke 12 karod se jyaada sabsakraaibar hain, jinmein se 98 feesadi February 2013 ant tak ektiv the. Company ka aiktiv user base industry mein sabse jyaada hai. Iske alaava iske data service sabsakraaibar ki sankhya dheere-dheere badh rahi hai. Aise sabsakraaibar ki sankhya June 2012 mein 15 feesadi thi jo March kvaurtar mein badhkar 21 feesadi ho gayi. Company ka data vaulyoom pichhle kvaurtar ke mukaabale 14 feesadi ki badhotri hui. Company ke liye treind kaafi straung najar aa rahe hain. Bada aiktiv user base company ko kaumpititr ke mukaabale apni 3ji services teji se badhaane mein madadgaar hoga. Company ka poore saal ka performance bhi utsaah badhaane vaala raha hai. Faainainshal iyar mein revenyoo growth 15 feesadi rahane se company ka net praufit 40 feesadi badha. Company ka deprisiyeshan, intarest aur tax se pehle praufit margin 60 basis point badkar 26.7 feesadi raha. Lokal market mein ghatate kaumpitishn ka faayda uthaane ke maamale mein aaidiya bhaarati Airtel aur Reliance kamyoonikeshans jaise kaumpititr ke mukaabale behtar sthiti mein najar aati hai. Lekin sheyaron ki keemat badhaane ke liye company ko aane vaale kvaurtars mein growth momeintam banaae rakhana hoga.

Bade Aiktiv Sabsakraaibar Base Se Growth Ko Milegi Raftaar https://www.angrejinews.com/pic/7101