Badaayoon Kaand Samaajavaadi Party Ne Kaha, UP Mein Rape Ke Maamalon Ka Pratishat Sabse Kam

Breaking »

Badaayoon Kaand  Samaajavaadi Party Ne Kaha, UP Mein Rape Ke Maamalon Ka Pratishat Sabse Kam

Badaayoon ke gaanv mein barbar ghatna ke baad tainaat policekarmi Badaayoon ke gaanv mein barbar ghatna ke baad tainaat policekarmi Lucknow: uttar pradesh mein sattaaroodh samaajavaadi party (sapa) ne badaayoon saamoohik balaatkaar-hatyaakaand maamale ko lekar vipakshi paartiyon par raajaneeti karne ka aarop lagaate hue kaha ki aisa karne vaalon ko pehle apne girebaan mein jhaankana chaahiye. sapa ke praanteeya pravakta evam raajya ke lokanirmaan mantri shivpaal Singh Yadav ne samvaadadaataaon se kaha ki badaayoon kaand ko lekar raajya sarkaar ne fauri aur sakht kaarravaai ki hai aur peedit parijan ki maang ko fauran maanate hue maamale ki CBI jaanch ki sifaarish kar di hai, lekin iske baavajood vipakshi dalon ke neta badaayoon jaakar raajaneeti kar rahe hain, jo behad durbhaagyapoorn hai. unhonne is maamale ko lekar sarkaar par sabse kade prahaar karne waali bahujan samaaj party (BSP) adhyaksh maayaavati ke shaasanakaal mein hui kai badi vaaradaat ginaate hue kaha ki sapa sarkaar par hamla karne se pehle unhein apne shaasanakaal ko yaad karna chaahiye. Yadav ne raashtreeya aparaadh abhilekh bureau ke aankadon ka havaala dete hue daava kiya ki uttar pradesh mein balaatkaar tatha mahila utpeedn ki vaaradaat ka pratishat sabse kam hai. Iske mukaabale madhya pradesh mein paanch guna, Rajasthan mein teen guna tatha pashchim Bengal mein aisi doguni vaaradaat hoti hain. Unhonne aarop lagaaya ki BJP ke shaasanakaal mein bhi balaatkaar ki ghatnaaon ki lambi feharist hai, lihaaja unhein is maamale par bolne ka koi hak naheen hai.

Badaayoon Kaand Samaajavaadi Party Ne Kaha, UP Mein Rape Ke Maamalon Ka Pratishat Sabse Kam https://www.angrejinews.com/pic/52567