Badaayoon Gang-rape Rahul Gandhi Ne Peedit Parivaar Se Ki Mulaakaat, Kaha, CBI Jaanch Ki Maang Se Sahamat

Breaking »

Badaayoon Gang-rape  Rahul Gandhi Ne Peedit Parivaar Se Ki Mulaakaat, Kaha, CBI Jaanch Ki Maang Se Sahamat

Badaayoon mein peedit parivaar se mulaakaat karte Rahul Gandhi Badaayoon mein peedit parivaar se mulaakaat karte Rahul Gandhi Badaayoon: Congress upaadhyaksh Rahul Gandhi ne badaayoon mein do naabaalig ladkiyon ke saath gang-rape ke baad unki hatya ki jaghanya vaaradaat ko lekar peedit parivaar se mulaakaat ki. Rahul Gandhi ne parivaar se mulaakaat ke baad kaha ki yahaan par insaaf ki jaroorat hai aur vah CBI jaanch ki maang se sahamat hain. Unhonne haalaanki kaha ki CBI jaanch se jyaada jaroori insaaf hai. Rahul ne kaha ki badaayoon ki vaaradaat mein nyaaya ki jaroorat hai, jinhonne yeh galat kaam kiya hai, unhein pata hona chaahiye ki Hindustan mein aisa kaam naheen kiya ja sakta. Rahul ne kaha ki peedit parivaar ne unase kaha ki UP police unhein nyaaya naheen dilva sakti aur unhein muaavaja naheen, nyaaya chaahiye. Rahul Gandhi ne NDTV India se kaha ki peedit parivaar ko nyaaya dilaane ke liye unki or se poori madad di jaaegi. Rahul peedit parijan se kareeb 25 minute tak baatcheet karne ke baad us baag ke ped ke paas bhi gaye, jis par donon ladkiyon ke shav faansi par latakate paae gaye the. Rahul ke saath pradesh Congress prabhaari madhusoodan mistri, mahila Congress ki adhyaksh shobha ojha aur party praanteeya adhyaksh nirmal khatri bhi the. gaurtalab hai ki usahait thaana kshetr mein mangalvaar ki raat shauch ke liye gayi 14 tatha 15 saal ki chacheri bahanon ke shav agale din subah ek baag mein ped par faansi se latakate paae gaye the. Postmortem report mein unke saath saamoohik balaatkaar ke baad faansi par chadhaakar hatya kiye jaane ki pushti hui thi. is maamale mein paanch aaropiyon ko giraftaar kiya gaya hai. Raajya sarkaar ne shukravaar ko kaha ki maamale ki fast track court mein sunavaai karaai jaaegi.

Badaayoon Gang-rape Rahul Gandhi Ne Peedit Parivaar Se Ki Mulaakaat, Kaha, CBI Jaanch Ki Maang Se Sahamat https://www.angrejinews.com/pic/52324