Badaayoon Gang-rape Parivaar Ne Ki Aaropiyon Ko Faansi Par Latakaane Ki Maang

Breaking »

Badaayoon Gang-rape  Parivaar Ne Ki Aaropiyon Ko Faansi Par Latakaane Ki Maang

Badaayoon mein do bahanon ke saath gang-rape ke baad unki hatya kar unke shav ko ped par lataka diya gaya tha Badaayoon mein do bahanon ke saath gang-rape ke baad unki hatya kar unke shav ko ped par lataka diya gaya tha Badaayoon: uttar pradesh ke badaayoon jile mein saamoohik balaatkaar ke baad faansi par chadhaae jaane ki vahashiyaana harkat ki shikaar hui kishoriyon ke parijan ne ise Delhi balaatkaar kaand se bhi jaghanya vaaradaat karaar dete hue kaha ki is maamale ke aaropiyon ko saari duniya ke saamane faansi par lataka dena chaahiye. jile ke usahait kasbe mein mangalvaar raat hui is vaaradaat ki shikaar ladkiyon mein se ek ke pita ne kaha ki yeh maamala saare desh ko jhakjhorne vaale Delhi saamoohik balaatkaar kaand se bhi jyaada jaghanya hai, isliye unki maang hai ki maamale ki CBI jaanch ho aur aaropiyon ko faansi se kam saja na ho. unhonne kaha, ham chaahate hain ki jis tarah saari duniya ne hamaari maasoom betiyon ko faansi par latakate dekha, usi tarah duniya unke gunahagaaron ko bhi faansi se latakate dekhe. Unhein sareaam faansi par lataka dena chaahiye. 16 December, 2012 ko Delhi mein chalti bas mein ek medical chhaatra ki saamoohik balaatkaar ke baad usaki maut ko lekar poore desh mein aisi ghinauni harkat ke khilaaf aandolan khada ho gaya tha. Baad mein is maamale mein aaropiyon ko adaalat ne maut ki saja sunaai thi. pradesh ki sapa sarkaar se naaraajagi jaahir karte hue ladki ke pita ne kaha ki unhein raajya sarkaar ke vaadon aur ghoshanaaon par bharosa naheen hai. Unhein naheen lagta ki raajya sarkaar ne suraksha tatha muaavaje ke jo vaade kiye hain, unhein poora kiya jaaega. Ullekhaneeya hai ki mukhyamantri Akhilesh Yadav ne is vaaradaat par sakht naaraajagi jaahir karte hue peedit parijan ko poori suraksha dene tatha paanch-paanch lakh rupaye ki madad ki ghoshana ki thi. gaurtalab hai ki usahait thaana kshetr mein mangalvaar ki raat shauch ke liye gayi 14 tatha 15 saal ki chacheri bahanon ke shav agale din subah ek baag mein ped par faansi se latakate paae gaye the. Postmortem report mein unke saath saamoohik balaatkaar ke baad faansi par chadhaakar hatya kiye jaane ki pushti hui thi. Is maamale mein paanch aaropiyon ko giraftaar kiya gaya hai.

Badaayoon Gang-rape Parivaar Ne Ki Aaropiyon Ko Faansi Par Latakaane Ki Maang https://www.angrejinews.com/pic/52323