Badaayoon Gang-rape Paanchavaan Aaropi Giraftaar, Do Pulisvaale Bhi Giraftaar

Breaking »

Badaayoon Gang-rape  Paanchavaan Aaropi Giraftaar, Do Pulisvaale Bhi Giraftaar

Badaayoon mein do bahanon ke saath gang-rape ke baad unki hatya kar unke shav ko ped par lataka diya gaya tha Badaayoon mein do bahanon ke saath gang-rape ke baad unki hatya kar unke shav ko ped par lataka diya gaya tha Badaayoon: uttar pradesh ke badaayoon mein do naabaalig ladkiyon ke saath gang-rape aur unki hatya ke maamale mein paanchavaan aaropi bhi giraftaar ho gaya hai. Ab is maamale ke sabhi aaropiyon ki giraftaari ho gayi hai. Sabhi aaropiyon ki giraftaari ki pushti badaayoon ke SSP ne ki. giraftaar kiye aaropiyon mein se teen ek hi parivaar ke hain. Shukravaar ko is maamale mein laaparavaahi baratne vaale do policewaalon ko naukri se barkhaast kar diya gaya. Donon policewaalon ko bhi giraftaar kar liya gaya hai. Raajya sarkaar ne is maamale ki sunavaai fast track court mein karne ki baat kahi thi. Shukravaar ko hi is ghatna ke baad aajamagadh mein bhi ek naabaalig ke saath gang-rape ka maamala saamane aaya. BSP adhyaksh maayaavati ne raajya mein bigdti kaanoon-vyavastha ke maddenajar raajya mein fauran raashtrapati shaasan lagaane ki maang ki aur uttar pradesh ki Akhilesh sarkaar ko kushaasan ke liye jamkar lataada. Vaheen aaj Congress upaadhyaksh Rahul Gandhi peedit parivaar se milne badaayoon ja rahe hain. ullekhaneeya hai ki usahait thaana kshetr mein beete mangalvaar ki raat shauch ke liye gayi 14 tatha 15 saal ki chacheri bahanon ke shav agale din subah ek baag mein ped par fande se latakate paae gaye the. Postmortem report mein unki saamoohik balaatkaar ke baad faansi par latakaae jaane se maut ki pushti hui thi.

Badaayoon Gang-rape Paanchavaan Aaropi Giraftaar, Do Pulisvaale Bhi Giraftaar https://www.angrejinews.com/pic/52303