Badaayoon Gang-rape Maayaavati Ne Kaha, Sarkaar Naheen Chalti To Isteefa De Akhilesh Sarkaar

Breaking »

Badaayoon Gang-rape  Maayaavati Ne Kaha, Sarkaar Naheen Chalti To Isteefa De Akhilesh Sarkaar

Badaayoon: do naabaalig ladkiyon ke saath gang-rape ke baad hatya ki vaaradaat ke baad netaaon ke badaayoon pahunchane ka silsila jaari hai. Aaj BSP supreemo maayaavati badaayoon pahuncheen. Unhonne peedit parivaar se mulaakaat ki aur unhein party ki taraf se paanch-paanch lakh roopaye ki aarthik sahaayata ki ghoshana ki hai. maayaavati ne patrakaaron se baat karte hue kaha sapa sarkaar is maamale ko thande baste mein daalna chaahati hai. Parivaar ke log dare hue hain aur gaanv mein dahashat ka maahaul hai. Unhonne kaha ki sarkaar ab harkat mein aae aur aparaadhiyon ke khilaaf vishesh abhiyaan chalaaen. Poore UP mein kaanoon vyavastha ka bura haal hai. badaayoon jaane se pehle maayaavati ne Akhilesh sarkaar par jamkar nishaana saadha. Maayaavati ne kaha ki peedit parivaar isliye CBI jaanch ki maang kar raha hai, kyonki use pata hai ki yahaan ki sarkaar doshiyon ke khilaaf koi kadam naheen uthaaegi. UP mein kaanoon-vyavastha naheen hai. unhonne raajya mein haal ke dinon mein mahilaaon ke khilaaf badate aparaadh ka jikr karte hue maang ki ki agar UP mein samaajavaadi party se sarkaar naheen chal pa rahi hai to use isteefa de dena chaahiye. UP mein raashtrapati shaasan lagana chaahiye. Maayaavati ne kendra sarkaar se kaha ki vah tay kare ki is maamale ki jaanch ek tay samay ke andar poori ki jaae. Afsaron ke tabaadale naakaafi hain. unhonne kaha ki mahilaaon ke khilaaf aparaadh jaari hain. Basti mein ladki ko jalaane ki koshish hui hai vaheen mainapuri se bhi teen bahanein laapata hain. Maayaavati ne mulaayam Singh Yadav par aarop lagaate hue kaha ki sapa ke mukhiya ka rukh balaatkaariyon par naram hai. udhar, samaajavaadi party ke badaayoon se saansad aur mulaayam Singh Yadav ke bhateeje dharmeindr Yadav bhi aaj peedit parivaar se milne pahunche. Ghatna ke paanch din baad mauke par pahunchakar unhonne peedit parivaar ka haal jaana. dharmeindr Yadav ne kaha ki jo log lagaataar aa rahe hain, ve police ko disturb kar rahe the. Hamaari sabse pehle ichha thi ki police dvaara thos kaarravaai ho. 72 ghante ke andar saare mujalimon ko giraftaar kar liya gaya hai. Case ko fast track court mein daala gaya hai. Iske saath hi case CBI ko de diya gaya hai. Logon ne jis kaarravaai ki maang ki thi, vah ki gayi hai. Iske saath hi hamaari maang hai, PM, peeemao aur CBI se ki jald se jald doodh ka doodh aur paani ka paani kar de. isse pehle shanivaar ko Rahul Gandhi ne peedit parivaar se milkar insaaf dilaane ka bharosa diya tha. Vaheen is beech Akhilesh Yadav ne badaayoon maamale ki CBI jaanch ka faisala liya hai. Peedit parivaar ne sarkaari muaavaja lene se saaf mana kar diya hai. gaurtalab hai ki usahait thaana kshetr mein mangalvaar ki raat shauch ke liye gayi 14 tatha 15 saal ki chacheri bahanon ke shav agale din subah ek baag mein ped par faansi se latakate paae gaye the. Postmortem report mein unke saath saamoohik balaatkaar ke baad faansi par chadhaakar hatya kiye jaane ki pushti hui thi. Is maamale mein paanch logon ko giraftaar kar liya gaya hai.

Badaayoon Gang-rape Maayaavati Ne Kaha, Sarkaar Naheen Chalti To Isteefa De Akhilesh Sarkaar https://www.angrejinews.com/pic/52418