Badaayoon Gang-rape Ki CBI Jaanch Karaaegi UP Sarkaar

Breaking »

Badaayoon Gang-rape Ki CBI Jaanch Karaaegi UP Sarkaar

UP ke CM Akhilesh Yadav (file chitr) UP ke CM Akhilesh Yadav (file chitr) Lucknow: uttar pradesh ke mukhyamantri Akhilesh Yadav ne badaayoon balaatkaar-hatyaakaand ke peedit parijan ki maang ko maanate hue maamale ki jaanch CBI ko saunpane ka faisala kiya. ek shaasakeeya pravakta ne bataaya ki mukhyamantri ne badaayoon ki ghatna ki sameeksha karte hue kaha ki sarkaar is vaaradaat ki CBI se jaanch karaane ko taiyaar hai aur is sambandh mein jald hi kendra sarkaar ko anurodh patra bhej diya jaaega. pravakta ke mutaabik sameeksha ke dauraan adhikaariyon ne mukhyamantri ko maamale ki CBI jaanch ki peedit parijan ki maang ke baare mein bataaya. Is par unhonne maamale ki tafteesh is keindreeya agency se karaane ka faisala kiya. gaurtalab hai ki badaayoon jile mein mangalvaar ki raat ko do kishoriyon ki saamoohik balaatkaar ke baad ek baag mein ped par faansi par chadhaakar hatya kar di gayi thi. Peedit parijan ne is maamale ki CBI se jaanch karaane ki maang ki thi, jis par unase mulaakaat karne pahunche Congress upaadhyaksh Rahul Gandhi ne bhi sahamati vyakt ki thi.

Badaayoon Gang-rape Ki CBI Jaanch Karaaegi UP Sarkaar https://www.angrejinews.com/pic/52335