Badaayoon Gang-rape High Court Ne Maangi Postmortem Report Ki Kaupi

Breaking »

Badaayoon Gang-rape  High Court Ne Maangi Postmortem Report Ki Kaupi

Badaayoon ke gaanv mein barbar ghatna ke baad tainaat policekarmi (file chitr) Badaayoon ke gaanv mein barbar ghatna ke baad tainaat policekarmi (file chitr) Lucknow: uttar pradesh mein Allahabad High Court ki Lucknow peeth ne badaayoon kaand ki CBI jaanch ke nirdesh diye jaane ke aagrah waali janahit yaachika par vaaradaat ki shikaar huin do kishoriyon ki postmortem report evam is maamale mein darj report 9 June ko talab ki hai. adaalat ne maamale ki CBI jaanch ki sifaarish vaale raajya sarkaar ke aadesh ki prati bhi pesh karne ko kaha hai. Nyaayamoorti imtiyaaj murtaja aur nyaayamoorti shashikaant ki greeshm avakaashakaaleen khandapeeth ne mangalvaar ko yeh aadesh 'Vi the peepul' naamak sanstha ki janahit yaachika par diya. yaachika mein badaayoon jile mein pichhle mangalvaar ko do ladkiyon ki saamoohik dushkarm ke baad faansi par chadhaakar hatya kiye jaane ki CBI se jaanch karaane ke aadesh diye jaane, aaropi policekarmiyon ke khilaaf kaarravaai aur peedit parijanon ko suraksha muhaiya karaae jaane ke nirdesh diye jaane ka aagrah kiya gaya hai. adaalat ne maamale ki shuruaati sunavaai ke baad yaachikaakarta ke vakeel ko vaaradaat ki shikaar ladkiyon ki postmortem report aur sambandhit praathamiki ki prati 9 June ko pesh karne ke nirdesh diye hain. Saath hi raajya sarkaar se CBI jaanch ki sifaarish sambandhi aadesh bhi talab kiya hai. Yaachika daayar karne waali sanstha ke mahaasachiv prince lenin ka tark tha ki desh-videsh tak charchit hue badaayoon dushkarm-hatyaakaand ki poori tarah se nishpaksh jaanch karaai jaani chaahiye. yaachi vakeel ka yeh bhi aarop tha ki raajya sarkaar is maamale mein gambheerta se kaarravaai naheen kar rahi hai. Lenin ke mutaabik, raajya sarkaar ki taraf se is kaand ki CBI jaanch ki sifaarish kiye jaane sambandhi koi likhit aadesh pesh naheen kiya gaya. udhar, raajya sarkaar ki taraf se upper mahaadhivakta bulabul godiyaal ne adaalat ko bataaya ki raajya sarkaar is maamale mein gambheerta se kaarravaai kar rahi hai aur soobe ke mukhya sachiv samet kai aala afsaron ke khilaaf kaarravaai ki gayi hai. Unhonne adaalat ko yeh bhi jaankaari di ki raajya sarkaar ne pehle hi badaayoon kaand ki CBI se jaanch karaae jaane ki sifaarish kar di hai, aise mein yeh yaachika mahatvaheen ho gayi hai.

Badaayoon Gang-rape High Court Ne Maangi Postmortem Report Ki Kaupi https://www.angrejinews.com/pic/52675