Bada Bavaal Ban Sakti Hai Cheeni Ghuspaith

India »

Bada Bavaal Ban Sakti Hai Cheeni Ghuspaith

Ranjit Kumar . Nai Delhi Laddakh mein bhaarateeya ilaake mein cheen ki ghuspaith ka maamala bada vivaad ban sakta hai. Aise samay jabki cheen ke pradhaanamantri li kh chhyaang May ke teesare saptaah mein Bhaarat aane ki taiyaari mein hain, Bhaarat ne ghuspaith se paida sthiti se nibatne ke liye har jaroori kadam uthaane ki baat kahi hai jabki cheen ne aisi kisi ghuspaith se hi inkaar kar diya hai. Isse raajanayik sootron ko aashanka hai ki cheen us ilaake par apna daava jaari rakhega, jahaan uske sainik ghus aae hain. Donon or se kada rukh apnaane ke beech videsh mantri Salman khursheed ne kaha hai ki donon deshon ki senaaon ke beech is masale par flaig meeting chal rahi hai. Iske nateeje abhi tak naheen mile hain. Takaraav ki sthiti aa sakti hai yah ilaaka poorvi Laddakh ke daulat beg oladi mein vaastavik niyantran rekha (elaesi) se das kilometer bheetar hai. Bhaarat ki or se pehle hi Bhaarat Tibet seema police ke javaanon ko is ilaake mein ravaana kar diya gaya hai. Donon or se kada rukh apanaae jaane se takaraav ki sthiti paida ho sakti hai. Raksha mantri A. Ke. Antony ne somvaar ko sansad bhavan mein kaha ki ham apne hiton ki raksha ke liye har kadam utha rahe hain lekin cheen ke videsh mantraalaya ki pravakta ne kaha hai ki cheeni peeelae ke sainik elaesi ke ilaake ki keval gashti kar rahe hain aur cheen donon deshon ke beech elaesi ko lekar hui sahamati ka aadar karta hai. Ullekhaneeya hai ki bhaarateeya videsh mantraalaya is masale par cheeni adhikaariyon ke sampark mein hai. Is tarah ke masalon se nibatne ke liye ek saajha mikainijm ka gathan kiya gaya hai jismein donon deshon ke videsh mantraalaya ke sanyukt sachiv star ke adhikaari shaamil hain. Chattaanon par likh dete hain cheen poorvi Laddakh mein beeti 15 April se cheeni sainikon ka ek dal pichhle kuchh dinon se jama hai aur vahaan apni maujoodagi ke nishaan chhod raha hai. Sainya sootron ke mutaabik Bhaarat aur cheen ke beech chaar hajaar kilometer lambi vaastavik niyantran rekha ki pehchaan naheen hone ke bahaane cheeni sainik aksar bhaarateeya ilaake ki or badh jaate hain aur us ilaake par apna paramparaagat adhikaar bataane ke liye chattaanon par cheen likh dete hain. Cheen ne taaja ghuspaith daulat beg oldi ilaake mein ki hai, jahaan unhonne apne teint laga diye hain. Yah ilaaka kareeb 17 hajaar feet ki oonchaai par hai. Dauron par uth sakte hain savaal ullekhaneeya hai ki agale maheene teesare saptaah mein cheen ke pradhaanamantri ka Bhaarat aane ka kaaryakram banaaya ja raha hai aur iske pehle raksha mantri bhi cheen ja sakte hain. Videsh mantri Salman khursheed ka bhi cheen jaane ka kaaryakram hai isliye in uchchastareeya dauron ke pehle yadi yah masala naheen nibta to in dauron par savaal uthaae ja sakte hain.

Bada Bavaal Ban Sakti Hai Cheeni Ghuspaith https://www.angrejinews.com/pic/6477