Bachchi Se Rape Ki Koshish Mein 5 Saal Ki Kaid

Breaking »

Bachchi Se Rape Ki Koshish Mein 5 Saal Ki Kaid

ek samvaadadaata . Jeend atirikt jila evam satr nyaayaadheesh sandeep garg ki adaalat ne ek bachchi se balaatkaar ki koshish karne ke jurm mein ek yuvak ko 5 saal ka kaaraavaas aur 5 hajaar rupaye jurmaane ki saja sunaai hai. Is maamale mein ek mahila sahit 3 aaropiyon ko sabooton ke abhaav mein bari kar diya gaya. Abhiyojan paksh ke mutaabik, gaanv kharainti nivaasi ek mahila ne 22 October, 2008 ko julaana thaana police ko di gayi shikaayat mein bataaya tha ki vah majadoori ke silsile mein ghar se baahar gayi hui thi. Ghar mein usaki 7 varsheeya beti aur usi ki hamaumr bhaanji maujood thi. Usi dauraan padosi suneel ne usaki beti ko chai ki patti mangavaane ka jhaansa dekar apne ghar le gaya aur darvaaja band kar balaatkaar ki koshish ki. Usaki beti ne shor macha diya, jise sunakar usaki bhaanji mauke par pahunch gayi. Bhaanji ne yuvak ke ghar ka darvaaja khatkhataaya. Doosari taraf, aaropi ne usaki beti ko daant se kaata. Donon bachchiyon ke shor machaane par aaropi darvaaja kholkar faraar ho gaya. Bachchi ne maan ke ghar lautane par use ghatna ki jaankaari di. Jab peedit bachchi ki maan suneel ke ghar shikaayat karne gayi, to uske parijanon ne uske saath durvyavahaar kiya. Police ne mahila ki shikaayat par suneel ke khilaaf balaatkaar ki koshish karne aur chhedchhaad ke tahat aaropi samet uske parijan ishvar, mahaabeer aur Kamlesh devi ke khilaaf maamala darj kiya tha. Tabhi se maamala adaalat mein vichaaraadheen tha. Mangalvaar ko adaalat ne is maamale mein doshi suneel ko 5 varsh ke kaaraavaas ki saja sunaai

Bachchi Se Rape Ki Koshish Mein 5 Saal Ki Kaid https://www.angrejinews.com/pic/3567