Bachchi Se Rape Ki Koshish Ke Aaropi Ki Pitaai

India »

Bachchi Se Rape Ki Koshish Ke Aaropi Ki Pitaai

ek samvaadadaata . Haapud janapad ke sabse bade degree college ke head klark ko 6 varsheeya bachchi ke saath balaatkaar ki koshish ke maamale mein parijanon aur muhalle ke logon ne jamkar peeta. Is dauraan aaropi ke ghar par hangaama bhi kiya gaya. Baad mein police ke aane par maamala shaant ho gaya. Maamale ki report darj naheen karaai gayi hai. Jaankaari ke mutaabik, thaana haapud ke railway rod sthit seetaaganj colony ki ek 6 varsheeya bachchi aaspaas khel rahi thi. Is dauraan sthaaneeya nivaasi ek vyakti jo ki ek degree college mein head klark hai, ne ladki ko taufi ke bahaane apne bete ke deintal kleenik mein bula liya aur kathit roop se uske saath balaatkaar karne ki koshish ki. Is beech bachchi shor machaate hue apne ghar aa gayi aur ghatna ki jaankaari apne pita ko di. Maamale ki jaankaari hone par parijanon aur muhalle ke log aaropi ke ghar pahunche aur jamkar hangaama kiya. Vaheen aaropi aur uske bete ne maafi maang li, jiske baad maamala rafa-dafa kar diya gaya. Bataaya ja raha hai ki shanivaar ki raat maamale ko rafa-dafa karne mein paise ki baat ko lekar peedit parijan gusse mein aa gaye aur ek baar fir muhalle ke logon ke saath aaropi ke ghar par jamkar hangaama kiya. Is dauraan aaropi head klark, uske bete aur bahoo ke saath maarapeet bhi ki gayi. Maamale ki soochana milne par police mauke par pahunchi aur logon ko shaant karaaya. Doosari taraf, sambandhit degree college ki prabandh samiti ke mantri suresh chand ne kaha ki yah maamala unki jaankaari mein aaya hai. Jaanch ke baad aaropi ke khilaaf sakht se sakht kaarravaai ki jaaegi. Vaheen naari unmoolan dahej sanstha ki pradesh adhyaksh alaka nim ne SSP ko patra bhejkar aaropi ki giraftaari ki maang ki hai.

Bachchi Se Rape Ki Koshish Ke Aaropi Ki Pitaai https://www.angrejinews.com/pic/9103