Baar Kaaunsil Beasar Ho Gayi Supreme Court

India »

Baar Kaaunsil Beasar Ho Gayi  Supreme Court

PTI. Nai Delhi Supreme court ne somvaar ko baar kaaunsil of India ke kaamkaaj par savaal uthaae. Court ne kaha ki aisa lagta hai ki yah beasar ho gayi hai, kyonki vah doshi vakeelon ke khilaaf koi kaarravaai naheen kar rahi hai. Justice BS chauhaan aur Justice deepak mishra ki bench ne kaha ki baar kaaunsil ki or se in vakeelon ke khilaaf koi action na liye jaane se adaalaton ko pareshaani hoti hai. Bench ne kaha ki hakeekat mein ham peedit ho gaye hain aur vakeel paise kama rahe hain. Supreme court ne yah talkh tippani Mumbai ke ek kaarobaari ki agrim jamaanat yaachika par sunavaai ke dauraan ki. Court ne usaki yaachika thukara di. Is kaarobaari ke vakeel ne haal hi mein yaachika vaapas le li thi. Iske baad bhi kaarobaari ne Supreme court ka darvaaja khatkhataaya tha. Suupreem court ne kaha ki vakeel ki or se yaachika vaapas lene ke khilaaf yaachikaakarta ko baar kaaunsil ya police mein shikaayat karni chaahiye thi. Bench ne kaha ki vakeel sochate hain ki ve kaanoon se oopar hain. Rojaana ham aisi hi sichueshan ka saamana karte hain. Bench ne kaha ki yah sirf agrim jamaanat ki yaachika tha. Pehle yaachikaakarta ko surrender karna chaahiye aur vakeel ko hamaare saamane pesh hona chaahiye. Gaurtalab hai ki baar kaaunsil of India praiktis karne vaale vakeelon ki reguletari baudi hai. Vah desh mein vakeelon ke prafeshanal standard aur leegal education se jude niyam-kaayade taiyaar karti hai.

Baar Kaaunsil Beasar Ho Gayi Supreme Court https://www.angrejinews.com/pic/8532