Baap Banane Ke Baad Main Thoda Aur Udaar Bana Shane Watson

Cricket » Sunday, April 28, 2013

Jaipur. . Pichhle maheene anushaasanaheenata ke kaaran Bhaarat daure se beech mein laute Shane Watson ne kaha hai ki jaise hi unka navajaat bachcha unki god mein aaya, vah apni saari samasyaaen bhool gaye. Watson un chhah Australiaee khilaadiyon mein se the jinhein ek match ke liye nilambit kar diya gaya tha. Vah coach Micky aarthar dvaara maanga gaya ek prejeinteshan dene mein naakaam rahe the. Watson ne tab kaha tha ki vah apne bhavishya ke baare mein fir se socheinge lekin baad mein vah ghaayal Michael Clark ki jagah khelne laute. Unhonne kaha ki ghar par jaise hi unhonne apne bachche vil ko god mein uthaaya, vah pichhli saari pareshaaniyaan bhool gaye aur isse unhein bhavishya par focus karne mein madad mili. Unhonne kaha, 'Duniya mein sabse khoobsoorat baat bachche hona hai. Mera bhi ab ek bachcha hai aur uske aane se main adhik udaar huaa hoon. ' yahaan santokaba durlabhaji aspataal mein ek prachaar kaaryakram ke silsile mein aae Watson ne kaha, 'Yahaan aakar Rajasthan Royals ki numaaindagi karke mujhe bahut achha laga. Maine Australia mein bhi kuchh teemon ke liye khela lekin Jaipur ke darshak ghar jaise lagte hain. '