Baal Thackeray Par Aapattijanak Facebook Post Ko Lekar Shivsena Ka Pradarshan

Breaking »

Baal Thackeray Par Aapattijanak Facebook Post Ko Lekar Shivsena Ka Pradarshan

File photo File photo Mumbai: social networking site 'Facebook' par veer shivaaji aur divangat shivsena neta baal Thackeray ki vivaadaaspad tasveer aur apamaanajanak tippani post karne ko lekar agyaat vyakti ke khilaaf praathamiki darj ki gayi hai. mulund thaane ke ek adhikaari ne press ko bataaya ki IPC ki dhaara 295 A (kisi varg ki dhaarmik bhaavana aahat karne ke iraade se uske dharm aur dhaarmik vishvaas ka apamaan karna) tatha IT kaanoon ki praasangik dhaaraaon ke tahat praathamiki darj ki gayi hai. Facebook poston mein apamaanajanak tippani milne ke baad shivsena ke kaaryakarta Avinash baagal ne shanivaar ko thaane mein shikaayat ki thi. Sootron ke anusaar Mumbai police ne Facebook prashaasan ki madad se shanivaar raat ek account band kar diya jis par aapattijanak tasveerein theen. haalaanki ek agyaat vyakti ne ek doosra Facebook account khol liya tha, lekin police ne is social networking site ki madad se use bhi band karva diya. shivsena ke kaaryakartaaon ne Facebook ke is vivaadaaspad post ke khilaaf shanivaar raat aur ravivaar subah Pune aur uske aaspaas pradarshan kiya evam bason par patharaav kiya. Is ghatna mein kareeb aath bason ko nuksaan pahuncha. Shivsena ke pradarshan ke aahvaan par ravivaar subah Pune ke vibhinn ilaakon mein dukaanein band raheen. gaurtalab hai ki isse pehle saal 2012 mein shivsena pramukh baal Thackeray ke baare mein Facebook par vivaadaaspad tippani post karne par do ladkiyaan giraftaar ki gayi theen.

Baal Thackeray Par Aapattijanak Facebook Post Ko Lekar Shivsena Ka Pradarshan https://www.angrejinews.com/pic/52453