Baajaar Par Iraq Sankat Haavi, Sensex 275 Ank Ludhka

Breaking » Wednesday, June 18, 2014

Mumbai: desh ke share baajaaron mein Budhvaar ko giraavat darj ki gayi. Pramukh soochakaank Sensex 274.94 ankon ki giraavat ke saath 25,246.25 par aur Nifty 73.50 ankon ki giraavat ke saath 7,558.20 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 44.00 ankon ki teji ke saath 25,565.19 par khula aur 274.94 ankon yaani 1.08 feesadi ki giraavat ke saath 25,246.25 par band hua. Dinbhar ke kaarobaar mein Sensex ne 25,609.28 ke oopari aur 25,114.30 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 4.35 ankon ki teji ke saath 7,636.05 par khula aur 73.50 ankon yaani 0.96 feesadi ki giraavat ke saath 7,558.20 par band hua. Dinbhar ke kaarobaar mein Nifty ne 7,663.00 ke oopari aur 7,515.50 ke nichle star ko chhuaa. BSE ke midcap soochakaank aur smallcap soochakaank mein bhi giraavat darj ki gayi. Midcap soochakaank 66.22 ankon ki giraavat ke saath 9,035.25 par aur smallcap soochakaank 27.92 ankon ki giraavat ke saath 9,873.64 par band hua. BSE ke 12 mein se sirf ek sector svaasthya sevaaen (0.06 feesadi) mein teji darj ki gayi. BSE ke realty (2.10 feesadi), upabhokta tikaaoo vastuen (1.59 feesadi), bijli (1.51 feesadi), tel evam gas (1.43 feesadi) aur banking (1.07 feesadi) mein sarvaadhik giraavat darj ki gayi.