Baajaar Mein Uthaapatak, Sensex-Nifty Oopar-neeche

Business »

Baajaar Mein Uthaapatak, Sensex-Nifty Oopar-neeche

Do din ke uchhaal ke baad Budhvaar ko baajaaron mein bhaari uthaapatak najar aa rahi hai. Subah baajaaron mein susti rahi aur baajaar neeche khule. Haalaanki iske baad shuruaati kaarobaar mein maarkets oopar chadhe. Haalaanki yeh badhat bhi kaayam naheen rahi. Is tarah aaj baajaar mein bhaari utaar-chadhaav dekhne ko mil raha hai. Dopahar 12.30 baje, Sensex 2 ank ki maamooli badhat ke saath 24,860.79 aur Nifty bhi kareeb 2 ank oopar 7,418.20 ke star par hain. Isse pehle, shuraaati kaarobaar mein Sensex 67.31 ank yaani 0.27 feesadi ki teji ke saath 24,925.90 ank par pahunch gaya tha. Nifty bhi 11.40 ank yaani 0.15 feesadi ki teji ke saath 7,427.25 ank par pahuncha tha. Yeh teji fands aur futakar niveshakon ki or se kanjyoomar guds, realty, kaipitl guds, auto aadi kshetron ke sheyaron ki khareed badhaaye jaane se I. Rupaya 4 paise sudharaa: Faureks baajaar mein shuruaati kaarobaar ke dauraan dollar ke mukaabale rupaya 4 paise ke maamooli sudhaar ke saath 59.34 rupaye prati dollar par pahunch gaya. Niryaatakon ki or se dollar bikvaali badhaae jaane se yeh majabooti I. Haalaanki anya mudraaon ki tulana mein dollar bhi majaboot hua. Kal kaarobaari satr mein dollar ke mukaabale rupaya 23 paise ki giraavat ke saath 59.38 rupaye prati dollar par band hua tha.

Baajaar Mein Uthaapatak, Sensex-Nifty Oopar-neeche https://www.angrejinews.com/pic/52758