Baaik Savaar Yuvakon Ne Ki Lootpaat

India » Saturday, April 20, 2013

S . Hodal : Naishanal highway sthit baavari mod ke paas guruvaar der raat baaik savaar 2 badmaashon ne hathiyaaron ke bal par ek trelar chaalak se hajaaron ki nagadi aur jaroori kaagajaat loot liye. Peedit chaalak ne maamale ki shikaayat police mein ki hai. Jaankaari ke mutaabik, gaanv satuaagadhi thaana hasanapur jila palaval nivaasi jagabeer apne trelar ko lekar bahaaduragadh se Jhansi ki or ja raha tha. Jaise hi vah hodal baavari mod ke paas, usaki gaadi ka preshar panp fat gaya. Vah gaadi ko side mein lagaakar marammat karne laga. Is beech vahaan baaik savaar 2 yuvak aae aur bevajah uske saath maarapeet karne lage. Yuvakon ka virodh karne par unamein se ek ne deshi katta nikaalkar jagabeer ki kanapati par rakh diya aur usase 5500 rupaye, ATM card, pehchaan patra aadi lootakar faraar ho gaye. Police maamale ki chhaanabeen kar rahi hai.