Baabuon Ke Kaamkaaj Ka Hisaab Le Rahi Hai Sarkaar

Business »

Baabuon Ke Kaamkaaj Ka Hisaab Le Rahi Hai Sarkaar

[ aman sharma | nai Delhi ] aap kitne achhe hain? Kaam kitna karte hain aap? Ye savaal hain, jo Narendra Modi sarkaar senior byoorokrets se poochh rahi hai. Nai sarkaar ek nae eprejal system ki yojana bana rahi hai. Ismein varking aavar system bhi naya ho sakta hai. In dinon badi khaamoshi se byoorokrets ke performance ki sameeksha ho rahi hai. Ismein unhein project delivery record, nishpakshata aur kaam ke prati lagan jaise maanakon par taula ja raha hai. Iske alaava, Modi sarkaar 29 saal puraana ek niyam bhi badalne waali hai taaki sarkaari adhikaari jyaada samay tak kaam karein. Vah niyam Rajiv Gandhi sarkaar ne banaaya tha. In baaton ki jaankaari rakhane vaale do senior ofishiyls ne ikanaumik times ko bataaya ki maheene mein vark aavars badhaane ke sambandh mein aupachaarik aadesh jald jaari ho sakta hai. Abhi ek saptaah mein 40 ghante kaam karne ki ki limit hai. Ek senior gavarnameint ofishiyl ne pehchaan jaahir na kiye jaane ki shart par bataaya ki iske liye har shanivaar ko ya ek hafta chhodkar doosare hafte ke shanivaar ko varking de banaaya ja sakta hai ya 5 dinon ke varking week ka system banaae rakhate hue daily vark aavars ko subah 8 se shaam 6 baje tak ya subah 8 baje se shaam 8 baje tak kiya ja sakta hai. Filhaal central gavarnameint ke ofishiyls ke liye 1985 mein jaari aadesh ke mutaabik daily vark aavar subah 9 baje se shaam 5 baje tak hota hai. Iske beech mein 30 minute ka lunch break hota hai. Veekeind par of hota hai. Top byoorokrets ka chupachaap eprejal bhi ho raha hai. Sekretari leval aur doosari senior pojeeshans par jald hone vaale ferabadal mein iska aham rol ho sakta hai. Dipaartameint of parsanal end training ke ek ofishiyl ne bataaya ki byoorokrets ke kaamkaaj ki sameeksha chaar maanakon- pichhla pradarshan, delivery mein teji, kaam ke prati lagan aur nishpakshata ke aadhaar par ho rahi hai. Unhonne bataaya ki pichhle ek dashak ke performance par gaur kiya ja raha hai. Kaam ke prati lagan aham maanak hai. Clubon aur selebriteej ki paartiyon mein vakt bitaane vaale byoorokrets ko is sarkaar mein kinaare kiya ja sakta hai. Sekretari leval aur doosari senior pojeeshans par maujood kai byoorokrets ko pichhli UPA sarkaar ka kareebi maana jaata hai. Modi ne sabhi sekretareej se Budhvaar ko mulaakaat ki taaki byoorokresi ke liye ek paulisi maip banaaya ja sake. Ek ofishiyl ne bataaya ki byoorokrets ki nishpakshata par khaas dhyaan hai.

Baabuon Ke Kaamkaaj Ka Hisaab Le Rahi Hai Sarkaar https://www.angrejinews.com/pic/52837