Baabari Vidhvans Supreme Court Ne Kendra Par Uthaae Savaal

Breaking » Tuesday, April 2, 2013

Nai Delhi. . Justice H. L. Dattoo ki adhyakshata waali bench ne appeal daakhil karne mein 167 din ke deri ke baare mein kendra sarkaar ke senior law officer ko 2 saptaah ke bheetar is sambandh mein halafnaama daakhil karne ka nirdesh diya. Court ne is tathya ka sanjnyaaan liya ki vidhi adhikaari ki vajah se appeal daayar karne mein 167 din ka vilamb huaa. Isse pehle, kendreeya jaanch bureau ne nyaayaalaya ke aadesh par amal karte hue appeal daayar karne mein hue vilamb se sambandhit vivran somvaar ko pesh kiya. Isame jaanch agency ne kaha hai ki uchch nyaayaalaya ke faisale ke khilaaf appeal masauda taiyaar karne ki prakriya adishnal solicitor general ke paas aur fir manjoori aur rai ke liye solicitor general ke paas lambit tha. Nyaayaadheeshon ne kaha, 'Choonki solicitor general ke kaaran yah vilamb huaa hai, isliye sambandhit vyakti ka halafnaama is vilamb ko behtar tareeke se samajhne mein madadgaar hoga. ' nyaayaalaya ne CBI ko do saptaah ka vakt dete hue kaha, 'Is baare mein halafnaama daakhil karna aapke hi hit mein hoga. ' nyaayaalaya ne apne aadesh mein is baat ka jikr naheen kiya ki kaun sa vidhi adhikaari yah halafnaama daakhil karega. Nyaayaalaya ne kaha ki yah varishth vidhi adhikaari ka hona chaahiye. Court ne baabari masjid vidhvans maamale mein kendra sarkaar ko aade haathon liya hai. Supreme court ne kendra ke varishth vidhi adhikaari se halafnaama daakhil kar mangalvaar ko baabari masjid vidhvans maamale mein Lal Krishna Advani aur anya ke khilaaf appeal daayar karne mein deri ka kaaran bataane ko kaha hai. Supreme court ne Allahabad haai court ke us faisale ko chunauti dene mein CBI ke deri karne par savaal uthaaya hai jismein kaha gaya tha ki saajish ke aarop Advani aur anya par laagoo naheen honge. Maamale ki sunavaai ab 16 April ko honi hai. CBI ne ayodhya ke vivaadit Ram mandir-baabari masjid dhaanche ko chhah December 1992 ko dhahaae jaane ki saajish ke aaropon se BJP vishv hindu parishad ke kuchh pramukh netaaon ko bari karne ke Allahabad uchch nyaayaalaya ke faisale ke khilaaf High Court ka darvaaja khatkhataaya hai. Gaurtalab hai ki CBI ki vishesh adaalat ne in netaaon ko aaparaadhik saajish rachane ke aaropon se mukt kar diya tha, jis par High Court ne bhi apni mohar lagaai thi. Is maamale mein vinaya katiyaar, saadhvi ritanbhara, shivsena ke poorv pramukh svargeeya baal Thackeray aur anya log is maamale mein aaropi hain.