BRICS Vikaas Bank Aur 100 Arab Dollar Ke Imajeinsi Fund Par Bani Sahamati

Business »

BRICS Vikaas Bank Aur 100 Arab Dollar Ke Imajeinsi Fund Par Bani Sahamati

daraban. . Bahupaksheeya vitteeya vyavastha mein sudhaar ke liye Bhaarat ke kainpen ko ek badi kaamayaabi mili. Ubharati vikaasasheel ikaunami ke majaboot group 'Briks' ne nae vikaas bank ki sthaapana karne ka faisala kiya. Briks( Brazil, India, cheen, roos aur south Africa) deshon ne aapaatkaaleen karj sankat ke samay aapas mein madad ke liye 100 arab dollar ke aarthik kosh ki vyavastha kiye jaane par bhi sahamati jataai. Briks deshon ke sheersh netaaon ke sammelan mein briks vyaavasaayik parishad shuroo karne ka bhi faisala kiya gaya taaki sadasya deshon ki companiyon ke beech bijnas, investameint aur madad ko aur protsaahit kiya ja sake. Pradhaanamantri Manmohan Singh samet in deshon ke sheersh netaaon ki Budhvaar subah hui baithak mein sahamati bani. Yah baithak nirdhaarit samay se thoda lambi khinchi. Baithak mein briks bank banaane ke baare mein sadasyon deshon ke vitt mantriyon ke prastaav ko sveekaar kiya gaya. Baithak ke baad jaari bayaan mein in netaaon ne kaha, 'Ham is baat se santusht hain ki ek nae vikaas bank ki sthaapana ka prastaav vyaavahaarik hai aur use chalaaya ja sakta hai. ' unhonne kaha, 'Ham maanate hain ki vikaasasheel deshon ko dhaanchaagat suvidhaaon ke vikaas mein mushkilein aateen hain kyonki unhein paryaapt lambi avadhi ke karj aur khaaskar poonjeegat kshetr mein pratyaksh videshi nivesh ke abhaav ka saamana karna padta hai. ' briks netaaon ne kaha ki briks deshon ko poonjeegat sansaadhanon ki kami ke kaaran global maang prabhaavit hoti hai. Unhonne kaha, 'Global vitteeya sansaadhanon ke adhik utpaadak prayog ki disha mein briks deshon ke sahayog se global maang mein kamjori ki samasya ke samaadhaan mein sakaaraatmak yogadaan ho sakta hai.

BRICS Vikaas Bank Aur 100 Arab Dollar Ke Imajeinsi Fund Par Bani Sahamati https://www.angrejinews.com/pic/3634