BJP Yuva Morcha Kar Rahi Hai PM Aavaas Ka Gheraav

Breaking »

BJP Yuva Morcha Kar Rahi Hai PM Aavaas Ka Gheraav

Nai Delhi. . Bhaarateeya janta yuva morcha (bhaajayumo) ravivaar ko pradhaanamantri aavaas ka gheraav kar rahi hai. Bhaajayumo ke virodh-pradarshan ko dekhte hue tugalak rod ilaake mein dhaara 144 laagoo kar di gayi hai aur saath hi, bhaari sankhya mein police bal ko tainaat kiya gaya hai. Aihatiyaatan resakors metro station ko bhi band rakha gaya hai. Bhaarateeya janta party ki yuva ikaai ne railway mein promotion ke badle rishvat kaand, kolaget mein CBI ki status report se chhedchhaad sambandhit mudde par besharm saptaah manaane ka ailaan kiya hai. Yuva ikaai isi ke maddenajar pradarshan kar rahi hai. Bhaajayumo isse pehle railway mein promotion ke badle ghoos ko lekar pavan bansal ke ghar ke baahar bhi pradarshan kar chuki hai. Aaj ravivaar ko bhaajayumo adhyaksh anuraag thaakur ke netrutv mein kaaryakarta jantar-mantar par ikattha hue the. Kaaryakarta pradarshan ke liye pradhaanamantri aavaas par aae hain. Postars-banner ke saath bhaajayumon kaaryakarta PM aavaas ki taraf badh rahe hain lekin choonki suraksha vyavastha chaak-chauband hai isliye 7 aaraseeaar tak pahunch jaana mushkil lag rahi hai. Tugalak rod thaane ke saamane hi police ne bairiketing se kaaryakartaaon ko rokane ke intajaam kiye hain. PM aavaas ke liye raasta yaheen se hokar gujarata hai.

BJP Yuva Morcha Kar Rahi Hai PM Aavaas Ka Gheraav https://www.angrejinews.com/pic/8384