BJP Sansadeeya Dal Ke Neta Chune Gaye Narendra Modi, Advani Ne Kiya Tha Naam Ka Prastaav

Breaking »

BJP Sansadeeya Dal Ke Neta Chune Gaye Narendra Modi, Advani Ne Kiya Tha Naam Ka Prastaav

Nai Delhi: BJP sansadeeya dal ki baithak mein BJP ke varishth neta Lal Krishna Advani ne Narendra Modi ke naam ka prastaav kiya, jiska muraleemanohar Joshi, veeinkaiya Naidu, nitin gadkari, Sushma Swaraj, kariya munda, arun jetali, ravishankar prasaad aur mukhtaar Abbas nakavi ne anumodan kiya, jiske baad Modi BJP sansadeeya dal ke neta chun liye gaye. ab NDA ki baithak hogi, jismein gathabandhan ke sabhi saansad Modi ko apna neta chuneinge. Sootron ke mutaabik, baithak khatm hone ke baad dopahar 2.30 baje NDA ke sabhi saansad raashtrapati Pranab mukharji se milkar soochit kareinge ki NDA ne Narendra Modi ko apna neta chun liya hai. iske baad dopahar 3.15 baje Modi khud raashtrapati se milkar sarkaar banaane ka daava pesh kareinge. Isse pehle cabinet gathan ko lekar lagaataar do dinon tak NDA netaaon aur Modi ke beech melajol ka silsila jaari raha. ab baat us mantrimandal ki, jo Gujarat bhavan se lekar keshav kunj aur Rajnath Singh ke ghar tak banaaya ja raha hai. Haalaanki yeh banega sirf ek shakhs ke ishaare par aur vah hain Narendra Modi. Vah jise chaaheinge vah mantri hoga. Unke paas ek viraat bahumat hai. 282 seatein BJP ki hain aur NDA ke baaki do darjan dalon se jyaada dalon ki kul saade teen darjan se kuchh jyaada seatein. aisa viraat bahumat kaam aasaan bhi karta hai aur mushkil bhi. Modi jise chaahein chun lein, lekin jise chhodeinge vah kuchh dukhi hoga. Savaal yeh bhi hai ki unki sarkaar mein daliton, pichhdon, alpasankhyakon aur mahilaaon ki numaaindagi karne vaale chehare kaun honge. Filhaal yeh bataaya ja raha hai ki Narendra Modi gruh mantraalaya bhi apne paas rakh sakte hain, haalaanki bataaya ja raha hai ki Rajnath Singh bhi yeh mahakama chaahate hain, lekin agar ve sarkaar mein shaamil hue to unhein raksha mantraalaya diya ja sakta hai. Vaise party ke bheetar cabinet ko lekar aisi atkalon par koi bhi kuchh bolne ko taiyaar naheen hai. vittamantraalaya ko lekar arun shauri aur arun jetali ka naam saamane aa raha hai. Haalaanki shauri ko shaamil karne par Modi ko virodh jhelana pad sakta hai.

BJP Sansadeeya Dal Ke Neta Chune Gaye Narendra Modi, Advani Ne Kiya Tha Naam Ka Prastaav https://www.angrejinews.com/pic/51106