BJP Netaaon Ka Narendra Modi Aur Rajnath Se Mulaakaaton Ka Daur Jaari

Breaking »

BJP Netaaon Ka Narendra Modi Aur Rajnath Se Mulaakaaton Ka Daur Jaari

BJP netaaon ke saath Modi (file chitr) BJP netaaon ke saath Modi (file chitr) Nai Delhi: somvaar ko nai NDA sarkaar ke satta sambhaalne ke liye chal rahi taiyaariyon ke beech BJP ke kai varishth netaaon ne manoneet pradhaanamantri Narendra Modi aur party pramukh Rajnath Singh se mulaakaat ki. Modi ke kareebi sahayogi amit shaah tatha BJP mahaasachiv JP nadda subah lagbhag ek saath Narendra Modi se mulaakaat karne Gujarat bhavan pahunche. Shaah ne baad mein Rajnath Singh se bhi mulaakaat ki. Varishth party neta aur poorv party pramukh M Venkaiya Naidu kuchh der baad Gujarat bhavan pahunche. Jhansi Loksabha seat se chunaav jeetne waali uma bhaarati ne bhi Modi se mulaakaat ki. Republican party of India (aarapeeaai) ke pramukh raamadaas athaavale ne bhi Modi se mulaakaat ki. Vah pehle hi Modi cabinet mein pad paane ki apni ummeedon ka khulaasa kar chuke hain. Rajnath Singh ke ashok rod sthit aavaas par bhi aagantukon ki kaafi aavaajaahi hai. Saansad menaka Gandhi aur udit raaj, Delhi ikaai ke varishth neta aur Rajyasabha sadasya vijay Goyal, NDA sarkaar mein poorv mantri aaidi svaami ne bhi Rajnath Singh se mulaakaat ki. Somvaar ko Modi ke shapath grahan samaaroh se poorv sarkaar banaane ke liye party mein jorashor se taiyaariyon ka daur jaari hai.

BJP Netaaon Ka Narendra Modi Aur Rajnath Se Mulaakaaton Ka Daur Jaari https://www.angrejinews.com/pic/51587