BJP Ne Modi Aur Amit Shaah Ka Bachaav Kiya

India » Tuesday, April 2, 2013

agencyan. Aurangabad (Maharashtra)/ nai Delhi BJP adhyaksh Rajnath Singh ne Gujarat ke mukhyamantri Narendra Modi ko apni team mein shaamil karne ke faisale ko aaj yah kehte hue sahi thaharaaya ki vah desh ke sabse lokapriya mukhyamantri hain. Yah poochhe jaane par ki party adhyaksh ke unke poorvavarti kaaryakaal mein board mein Modi ko shaamil kyon naheen kiya gaya? Singh ne kaha, 'Yah janta ki rai par aadhaarit tha. Unhein sansadeeya board mein shaamil karne ka nirnaya bhi janta ki rai par hi aadhaarit hai. ' aalochanaaon ko kiya khaarij doosari or, BJP ne ravivaar ko ghoshit apni nai team ki Congress aur govindaachaarya ki aalochanaaon ko bhi khaarij kiya hai. BJP ne daava kiya ki yah team 2014 ke Loksabha chunaav mein party ko spasht jeet darj karaane mein safal hogi. Party pravakta prakaash jaavadekar ne nai Delhi mein kaha ki adhyaksh Rajnath Singh ki team mein Gujarat ke mukhyamantri Narendra Modi aur vahaan ke poorv gruh mantri amit shaah ko mahatvapoorn bhoomikaaen diye jaane ki aalochna Congressi netaaon ki hataasha ko dikhaata hai. Yah bataata hai ki ve yah saaf dekh rahe hain ki aagaami chunaav mein unki haar nishchit hai. Gujarat ke poorv gruh mantri amit shaah ko 'Daagi' bataakar BJP ka mahaasachiv banaae jaane ki aalochanaaon par unhonne kaha ki soharaabuddeen farji muthabhed maamale mein vah doshamukt hokar saamane aaenge aur sachchaai sabke saamane aa jaaegi. Unhonne kaha ki shaah vaise bhi pichhle do saal se Delhi mein rahakar party ke liye kaarya kar rahe hain. BJP shaasit madhya pradesh ki sarkaar ko vahaan ki pichhli Congress sarkaar se adhik bhrasht aur Modi ko pradhaanamantri laayak naheen maanane ke govindaachaarya ke bayaanon par unhonne tippani karne se inkaar kar diya.