BJP Ne Kiya CBI Adhikaari Ke Khilaaf Pradarshan

India »

BJP Ne Kiya CBI Adhikaari Ke Khilaaf Pradarshan

bhaasha . Chandigarh CBI ke ek sheersh adhikaari ke khilaaf pradarshan ke liye somvaar ko jaanch agency ke kaaryaalaya ki or badh rahe BJP kaaryakartaaon ko rokane ke liye police ne paani ki bauchhaad ki. Isse BJP ke kareeb 10 kaaryakarta ghaayal ho gaye. Is adhikaari par BJP ne railway mane padonnati ke liye kathit rishvat maamale mein poorv keindreeya mantri pavan Kumar bansal ko bachaane ka aarop lagaaya hai. Somvaar ko BJP neta haramohan dhavan ki aguvaai mein party ke kaaryakartaaon ne Chandigarh ke CBI up mahaanireekshak mahesh Agrawal ke khilaaf pradarshan kiya. Aarop hai ki Agrawal ke bansal ke saath paarivaarik rishte hain aur unhonne karodon rupaye ke rishvat maamale mein bansal ke bhateeje ki giraftaari ke baad poorv rel mantri ko bachaaya. Pradarshanakaariyon ne sthaaneeya CBI kaaryaalaya tak juloos nikaalne ki koshish ki lekin police ne unhein rok diya. Iske baad BJP kaaryakartaaon ne bairiked todne ki bhi koshish ki. Is par police ne unhein titrabitr karne ke liye paani ki dhaar chhodi, jisse ek mahila sahit kam se kam 10 kaaryakarta maamooli taur par ghaayal ho gaye.

BJP Ne Kiya CBI Adhikaari Ke Khilaaf Pradarshan https://www.angrejinews.com/pic/9207