BJP Ne Banaaya TV Par Bahas Ke Liye Panel

Breaking »

BJP Ne Banaaya TV Par Bahas Ke Liye Panel

vishesh samvaadadaata nai Delhi. . Lagaataar do baar satta se door rah chuki BJP is baar Loksabha chunaav se pehle na sirf apni vaapasi ke liye Congress ki bakhiya udhedne mein juti hai balki vah janta ke beech apni neetiyaan aur sandesh pahunchaane ke liye bhi behad gambheerta se kaam kar rahi hai. Party ki baagdor sambhaalne ke baad party adhyaksh Rajnath Singh ne apni-apni dafali bajaane vaale BJP netaaon par to lagaam kasi hi hai, ab unhonne baakaayada TV channelon par hone waali bahas ke liye apne hi netaaon ka panel bana diya hai. Sootron ka kehna hai ki party chaahati hai ki janta mein yah sandesh naheen jaana chaahiye ki BJP netaaon mein aapas mein taalamel naheen hai. Yahi vajah hai ki party ne is baar panel taiyaar karte vakt aise netaaon ko shaamil kiya gaya hai, jo party ki baat prabhaavi tareeke se bhi rakh sakein aur jinke chehare bhi fotojenik hon. Sootron ke mutaabik yah list TV channelon ko bhejkar yah sandesh dene ki koshish ki gayi hai ki ve apne bahas kaaryakramon mein party ki or se adhikrut netaaon ko hi bulaaen. Choonki ab chunaav kuchh hi maheenon mein ho sakte hain isliye party chaahati hai ki party apne muddon ko TV channelon par aakraamak dhang se utha sake. Is team mein jin netaaon ko rakha gaya hai, unamein party ke upaadhyaksh mukhtaar Abbas nakavi, mahaasachiv Rajiv prataap roodi, media sel ke prabhaari shreekaant sharma, saansad balabeer punj, chandan mitra, peeyoosh Goyal, smruti Irani, bhoopeindr Yadav, kireet somaiya, vaani tripaathi, lalita Kumar mangalam, pinki aanand, kiran kher, siddhaarth naath Singh, nalin Kohli, devaang naanaavati, Jitendra Singh, shaaina enasi aur sanjaya kaul shaamil hain. Iske alaava yuvaaon ke muddon par party ka paksh rakhane ke liye anuraag thaakur aur mahilaaon ka paksh rakhane ke liye BJP mahila morcha ki adhyaksh saroj Pande ko adhikrut kiya gaya hai.

BJP Ne Banaaya TV Par Bahas Ke Liye Panel https://www.angrejinews.com/pic/6524