BJP Modi Ko Aage Kar Lade Loksabha Chunaav Raamadev

Breaking »

BJP Modi Ko Aage Kar Lade Loksabha Chunaav Raamadev

Jaipur. . Yog guru Baba raamadev ne ravivaar ko kaha ki BJP yadi satta mein lautana chaahati hai to use Gujarat ke mukhyamantri Narendra Modi ko agale Loksabha chunaav mein apne neta ke roop mein pesh karna chaahiye aur use apni praathamiktaaen badalani chaahiye. Unhonne kaha ki Congress apni janavirodhi neetiyon ke kaaran satta mein naheen laut sakti, lekin BJP aisa kar sakti hai, basharte vah apni praathamiktaaen badal le. Raamadev ne ek sammelan mein kaha, 'Yadi BJP apni praathamiktaaen badal leti hai aur agale Loksabha chunaavon mein Narendra Modi ko apne neta ke roop mein pesh karne ke baare mein sochati hai to uske liye kuchh sambhaavana aur jagah hai. ' unhonne kaha, 'Modi ek jabardast neta bankar ubhare hain jo vikaas aur saahas ka prateek ban gaye hain tatha unki bhrashtaachaar ke prati katai bardaasht naheen karne ki neeti hai, lekin unhein neta ke roop mein pesh kiye jaane (Loksabha chunaav mein) par antim faisala BJP aur sangh ko karna hai. ' raamadev ne kaha ki aaj desh netrutv sankat ka saamana kar raha hai aur log raajaneeti mein sakaaraatmak parivartan laane ke liye raajaneetik dalon ki bajaay vyaktiyon ki or dekh rahe hain. Yog guru ne kaha, 'Hamaara maanana hai ki yah hoga aur is disha mein Loksabha chunaav nirnaayak honge. ' unhonne aarop lagaaya ki sarkaar bhrashtaachaar aur kaale dhan ke mudde ko taarkik anjaam tak naheen le ja paai. Unhonne kaha ki Congress ko kendra mein agali sarkaar banaane ka mauka naheen milega, kyonki isne logon ko dhokha diya hai. Raamadev ne kaha, 'Congress janta ka vishvaas kho chuki hai. Karodon rupaye ke kai ghotaale prakaash mein aae hain aur log Congress party ko vote naheen deinge. '

BJP Modi Ko Aage Kar Lade Loksabha Chunaav Raamadev https://www.angrejinews.com/pic/3963