BJP Ko Vote Na Dene Par Dalit Ko Goli Maari

Breaking »

BJP Ko Vote Na Dene Par Dalit Ko Goli Maari

Baanda: uttar pradesh ke baanda jile ke bisanda thaana ke dadiyn purava gaanv mein shanivaar ki subah kuchh dabangon ne Loksabha chunaav mein bhaarateeya janta party (BJP) ummeedavaar ke paksh mein matadaan na karne ki ranjish mein ek dalit yuvak ko pehle laathiyon se peetakar adhamara kar diya, fir goli maar di. Yuvak ki haalat gambhir bani hui hai, police ne use sarkaari aspataal mein bharti karaaya hai. bisanda thaana parisar mein ghaayal dalit yuvak suresh urf bhanbhoo (26) ne bataaya ki kuchh dalit yuvakon ke saath shanivaar ki subah vah padosi gaanv gadaav ke taalaab mein machhali ka shikaar karne gaya hua tha. Taalaab ke paas kathit uchch varg ke kai log aa gaye aur yeh kehkar shikaar karne se mana kiya ki daliton ne BJP ko vote naheen diya, lihaaja vah unke gaanv naheen aa sakte. usane bataaya ki isi ko lekar maamooli vivaad hua aur un logon ne pehle laathiyon se peetakar adhamara kar diya, baad mein tamanche se uske pair mein goli maar di. ghaayal yuvak ke pita raamaprasaad ne bataaya, 'Matadaan ke doosare din is gaanv ke dabangon ne bhaajapa ke paksh mein matadaan na karne par daliton ko apne gaanv aane-jaane par paabandi laga di thi, tab ke baad se usaka beta pehli baar is gaanv gaya aur ghatna ho gayi. ' bisanda thaanaadhyaksh SP Singh ne bataaya ki hamlaavar ardhavikshipt kism ka hai, peedit dalit ki tahareer ke aadhaar par mukadama darj kar ghaayal ko sarkaari aspataal mein bharti kara diya gaya hai.

BJP Ko Vote Na Dene Par Dalit Ko Goli Maari https://www.angrejinews.com/pic/51627