BJP Ke Varishth Neta Yashavant Sinha Ko Hajaareebaag Court Se Mili Jamaanat
Breaking » Wednesday, June 18, 2014
Ranchi: poorv keindreeya mantri aur BJP ke bade neta yashavant sinha ko jamaanat mil gayi hai. Unhonne CJM court mein jamaanat arji daayar ki thi. Isse pehle sinha ne jamaanat lene aur bail bond bharne se inkaar kar diya tha. gaurtalab hai ki yeh maamala bijli karmachaari ke saath maarapeet karne se juda hai, jismein karmachaari ki shikaayat ke baad sinha ko court le jaaya gaya tha. Court mein sinha ne bail bond bharne se inkaar kar diya, jiske baad unhein jail bhej diya gaya tha. Tabhi se yashavant sinha hajaareebaag ki central jail mein band hain. mangalvaar ko varishth bhaajapa neta Lal Krishna Advani ne jail mein sinha se mulaakaat ki thi. Bataaya ja raha hai ki is mulaakaat ke jariye Advani ne sinha ko jamaanat lekar jail se baahar aane ke liye manaaya. isse poorv, 12 June ko bhaajapa ke raashtreeya adhyaksh Rajnath Singh ke nirdesh par party ke mahaasachiv Rajiv prataap roodi aur pravakta Sayyed shaahanavaaj husain, sinha ko manaane hajaareebaag pahunche the. yashavant sinha ne hajaareebaag aur Jharkhand ke anya ilaakon mein bijli ki 10 ghante katauti ke khilaaf na sirf aandolan kiya, balki 3 June ko samarthakon ke saath giraftaar kiye jaane ke baad jamaanat lene se inkaar bhi kar diya tha.