BJP Ke Mukhapatr Mein 'Narak Mein Nan', Bavaal Ke Aasaar

Breaking »

BJP Ke Mukhapatr Mein 'Narak Mein Nan', Bavaal Ke Aasaar

Prabhaash jha nai Delhi. . BJP shaasit Madhya Pradesh mein party ke mukhapatr 'Charaiveti' mein charchon ki sthiti aur nanon ke kathit yaun shoshan ko lekar chhape ek lekh par party ke bheetar aur baahar hangaama mach gaya hai. 'Church ke narak mein nan ka jeevan' heding se chhape is lekh mein lekhak aar. L. Fraansis ne daava kiya hai ki charchon mein nan naarakeeya jeevan ji rahi hain aur paadari unka yaun shoshan tak karte hain. Unke mutaabik, iski vajah se kai nan aatmahatya tak kar leti hain. Lekh ko likhne vaale aar. L. Fraansis puar krischan liberation movement ke adhyaksh bhi hain. Pandit deenadayaal vichaar prakaashan sansthaan ke sekretari aur state unit ke media inchaarj Doctor hitesh Vajpayee ne patrika ke vitran par rok laga di thi. Haalaanki, baad mein varishth netaaon se charcha ke baad patrika ke baajaar aur kaaryakartaaon ke paas jaane se rok hata li gayi. Patrika ko pandit deenadayaal vichaar prakaashan hi prakaashit karta hai. Iski adhyaksh Indore se BJP saansad sumitra mahaajan hain. BJP mukhapatr mein chhape is lekh se isaai samudaaya kaafi aahat hai. Isaai mahaasangh ke pratinidhimandal ne pradesh ke deejeepi nandan dube aur doosare senior police adhikaariyon se milkar is maamale ki shikaayat ki hai. Mahaasangh ne lekh chhaapane vaalon ke khilaaf kaarravaai ki maang ki hai. Sattaadhaari party ka maamala hone ki vajah se police is maamale mein khulkar kuchh bhi kehne se bach rahi hai. Abhi tak koi kaarravaai naheen hui hai. Church ke system mein sudhaar ki jordaar pairavi karte hue fraansis ne likha hai ki sarve se pata chalta hai ki 25% nan apni jindagi se dukhi hain. Ve naarakeeya jeevan ji rahi hain. Vah kehte hain, 'Dharm ke naam par kaafi shoshan hota hai aur peediton ke paas iske khilaaf aavaaj uthaane tak ka hak naheen hai. ' lekhak ne daava kiya hai ki Kerala mein church mein sudhaar ki koshish ki gayi lekin ise rok diya gaya. Gaurtalab hai ki desh ke bheetar Kerala mein sabse jyaada kareeb 1.40 lakh nan hain. Hitesh Vajpayee ne kaha ki poore maamale ki jaankaari varishth netaaon ko day di gayi hai aur is par filhaal vichaar-vimarsh jaari hai. Unka kehna hai, 'Is lekh ko hamaari or se naheen likha gaya hai. Baahar ke lekhak ne likha hai. Haalaanki ham is par jimmedaari se bach naheen sakte hain. Hamein is tarah ki saamagri ko chhaapane se pehle aur satark rahane ki jaroorat hai. ' unhonne kaha ki yah lekh tathyon par aadhaarit hai aur kaanooni roop se galat bhi naheen hai, lekin naitikta ki drushti se ham bhavishya mein aise lekhon se parahej kareinge. Unka kehna hai ki BJP kisi bhi sanpradaaya ki bhaavana ko aahat naheen karna chaahati hai. Aisi ghatnaaen kisi bhi sanpradaaya ke pooja sthalon par ho sakti hain. Jab unase poochha gaya ki kya party 'Charaiveti' ke sampaadak ke khilaaf koi kaarravaai karegi, to unhonne sirf itna kaha, 'Naheen, iski koi jaroorat naheen hai. Bas hamein bhavishya mein aise lekhon ke chayan mein aur saavadhaani baratne ki jaroorat hai. ' is baare mein poochhe jaane par patrika ke sampaadak anil saumitr ne koi tippani karne se inkaar kar diya. Kya hai lekh mein? -chaar saal pehle Kerala ki ek kaithalik nan sistar jesmi ki aatmakatha 'Aameen' ne kaithalik church ke damaghontoo maahaul aur aadanbar ki aad mein jaari duraachaar ko samaaj mein laane ka kaam kiya. -teen saal pehle Kerala ke kollam jile ki ek kaithalik nan anupa mairi ki aatmahatya ne church ki kaaryapranaali par dheron savaal khade kar diye hain. Anupa ke pita ne aarop lagaaya tha ki unki putri ka yaun shoshan kiya ja raha tha. Anupa ne maan aur bahan ko is baare mein bataaya tha. - Kerala ke kannoor jile ki ek aur nan sistar mairi chaandi ne apni aatmakatha 'Svasti' mein band darvaajon ke andar sahayogi paadariyon aur adhikaariyon ki yaun kunthaaon ki shikaar nanon ki vyatha likhi hai.

BJP Ke Mukhapatr Mein 'Narak Mein Nan', Bavaal Ke Aasaar https://www.angrejinews.com/pic/5088