BJP Ke Haath 'Golden Trump Card

India »

BJP Ke Haath 'Golden Trump Card

Ajay Gautam. Chandigarh : Rel mantri pavan Kumar bansal ke bhaanje ka rishvat kaand BJP ki siyaasat ke liye achha shakun banaakar aaya hai. Hakeekat yah hai ki Chandigarh ki raajaneeti mein ab tak bansal ke star ka koi neta khada naheen ho paaya hai. Pichhle lambe samay se sthaaneeya raajaneeti mein bansal ki siyaasi jadon ko kamjor karne mein juti BJP ke paas keval Chandigarh ka bahucharchit booth ghotaala tha. Is ghotaale ki jaanch mein bansal par bhi aarop lagaae gaye the. BJP ise samay-samay par na keval uthaati rahi, balki yah koshish bhi karti rahi ki Loksabha chunaav tak is mudde ko itna hava di jaae ki bansal chunaav mein chaaron or se ghir jaaen. Ab rel promotion ghotaala BJP ki is rananeeti ke liye sone par suhaaga saabit huaa hai. Tikt ke 3 daavedaar BJP mein Chandigarh se Loksabha chunaav mein tikt paane ke 3 daavedaar, satyapaal jain, sanjaya Tandon aur haramohan dhavan hain. Chandigarh ki raajaneeti mein dilchaspi rakhane vaalon ki nigaahein ab na keval bansal ke agale kadam par tiki hain balki teen-teen sooramaaon se susajjit BJP par bhi tiki hai. Har koi yah maankar chal raha tha ki soniya Gandhi ke kareeb hone ke kaaran bansal ko bhavishya mein bhi chunaavi dangal mein utaara jaaega. BJP ka ekamaatr lakshya bansal ki siyaasat ko hi kamjor karne ka hai. Ghar sambhaalne ki jaroorat maujooda haalaat mein Chandigarh ki raajaneeti mein bansal ka kya rol hoga, yah to samay hi bataaega lekin utsukata to BJP ki siyaasat ko lekar bhi khadi ho gayi hai. BJP mein poorv saansad satyapaal jain, Chandigarh BJP ke adhyaksh sanjaya Tandon aur poorv keindreeya mantri haramohan dhavan aise teen naam hain, jinke ird-gird BJP ki siyaasat ghoomti hai. Teenon hi Loksabha chunaav ke tikt ke daavedaar bhi maane gaye hain. Inmein satyapaal jain ki raashtreeya netaaon ke beech apni paith hai. BJP chaahakar bhi jain ko kabhi najaraandaaj naheen kar paai. Idhar, Tandon ne bhi pichhle kuchh samay ke dauraan apni jagah banaai hai aur unhein satyapaal jain ka virodhi maana jaata hai. Jahaan tak poorv keindreeya mantri haramohan dhavan ka savaal hai, ve chandrashekhar sarkaar mein mantri rah chuke hain aur ek baar pavan Kumar bansal aur satyapaal jain sareekhe netaaon ko hara bhi chuke hain. In teenon netaaon ki tikoni ladaai ka gavaah Chandigarh pehle bhi ban chuka hai. Dhavan ne baad mein Congress aur fir BSP ke jariye apna siyaasi vajood barkaraar rakhane ki koshish ki. Jab baat naheen bani to vah BJP se jud gaye.

BJP Ke Haath 'Golden Trump Card https://www.angrejinews.com/pic/7711