BJP Ke Baad NDA Ne Bhi Narendra Modi Ko Chuna Sansadeeya Dal Ka Neta

Breaking »

BJP Ke Baad NDA Ne Bhi Narendra Modi Ko Chuna Sansadeeya Dal Ka Neta

Nai Delhi: NDA ne Narendra Modi ko aam rai se sansadeeya dal ka neta chun liya hai. Isse pehle unhein BJP sansadeeya dal ka neta chuna gaya tha. Modi ne apne NDA ke sahayogiyon se kaha ki yeh sarkaar sab ki hai. Sabko milkar sarkaar chalaana hai. unhonne Andhra pradesh se aae chandrabaaboo naayadu ka vishesh jikr karte hue unhein Andhra mein poorn bahumat se chune jaane par badhaai di. Shiv sena pramukh ne Modi se kaha ki poora Maharashtra aapke saath hai. Vaheen tamaam NDA ke anya dalon ke netaaon ka bhi Modi ne dhanyavaad diya. BJP sansadeeya dal ki baithak mein aaj BJP ke varishth neta Lal Krishna Advani ne Narendra Modi ke naam ka prastaav kiya, jiska muraleemanohar Joshi, veeinkaiya Naidu, nitin gadkari, Sushma Swaraj, kariya munda, arun jetali, ravishankar prasaad aur mukhtaar Abbas nakavi ne anumodan kiya, jiske baad Modi aam rai se BJP sansadeeya dal ke neta chun liye gaye. Narendra Modi aaj pehli baar sansad bhavan pahunche the. Vahaan pahunchakar unhonne pehle seedhiyon par maatha teka aur fir aage badhe. ab Narendra Modi khud raashtrapati se milkar sarkaar banaane ka daava pesh kareinge. Isse pehle cabinet gathan ko lekar lagaataar do dinon tak NDA netaaon aur Modi ke beech melajol ka silsila jaari raha. ab baat us mantrimandal ki, jo Gujarat bhavan se lekar keshav kunj aur Rajnath Singh ke ghar tak banaaya ja raha hai. Haalaanki yeh banega sirf ek shakhs ke ishaare par aur vah hain Narendra Modi. Vah jise chaaheinge vah mantri hoga. Unke paas ek viraat bahumat hai. 282 seatein BJP ki hain aur NDA ke baaki do darjan dalon se jyaada dalon ki kul saade teen darjan se kuchh jyaada seatein. aisa viraat bahumat kaam aasaan bhi karta hai aur mushkil bhi. Modi jise chaahein chun lein, lekin jise chhodeinge vah kuchh dukhi hoga. Savaal yeh bhi hai ki unki sarkaar mein daliton, pichhdon, alpasankhyakon aur mahilaaon ki numaaindagi karne vaale chehare kaun honge. Filhaal yeh bataaya ja raha hai ki Narendra Modi gruh mantraalaya bhi apne paas rakh sakte hain, haalaanki bataaya ja raha hai ki Rajnath Singh bhi yeh mahakama chaahate hain, lekin agar ve sarkaar mein shaamil hue to unhein raksha mantraalaya diya ja sakta hai. Vaise party ke bheetar cabinet ko lekar aisi atkalon par koi bhi kuchh bolne ko taiyaar naheen hai. vittamantraalaya ko lekar arun shauri aur arun jetali ka naam saamane aa raha hai. Haalaanki shauri ko shaamil karne par Modi ko virodh jhelana pad sakta hai.

BJP Ke Baad NDA Ne Bhi Narendra Modi Ko Chuna Sansadeeya Dal Ka Neta https://www.angrejinews.com/pic/51133