BJP Ka Savaal, 'Apne Kharche Par Modi Se Milne Mein Galat Kya Hai?

Breaking » Saturday, March 30, 2013

Lalit vats nai Delhi. . Bhaarat daure par aae ameriki pratinidhmandal mein shaamil logon se trip ke liye paise diye jaane ke daave par BJP hamlaavar ho gayi hai. BJP ka kehna hai ki agar ameriki saansad aur kaarobaari bhugataan karke aae bhi the to isse Gujarat sarkaar ya party ka koi lena-dena naheen hai. Gaurtalab hai ki 4 Republican saansadon aur ameriki kaarobaariyon ka pratinidhimandal Bhaarat daure par aaya huaa hai. Is pratinidhmandal ne Modi se mulaakaat ki thi aur unhein America aane ka nyota diya tha. Chicago ke journal 'Haai India' mein chhapi khabar ke mutaabik, aayojakon ne pratinidhimandal ki is yaatra ke liye in sadasyon se 3000 se 16000 dollar (kareeb dedh lakh se 8 lakh rupae) tak prati vyakti liye. BJP overseas sel ke sanyojak aur Modi ke saath pratinidhimandal ki mulaakaat karaane vaale neta vijay jauli ne kaha, 'Ameriki saansad vahaan sansad ki ethiks committee aur sarkaar ki manjoori ke baad hi Gujarat aur Bhaarat ke daure par aae hain. Ethiks committee poori jaanch karti hai ki kisi bhi desh mein kyon ja rahe hain, kaun kharch utha raha hai, kaheen desh ke hiton ke viruddh to kuchh naheen hone ja raha hai. Is tarah ki chhaanabeen ke baad hi chaaron saansadon ko ameriki kaanoon ke tahat Bhaarat aane ki manjoori mili hai. Unke aagaman par Bhaarat sarkaar, Gujarat sarkaar ya BJP ki taraf se koi kharch naheen kiya gaya hai. Gujarat sarkaar ne sirf unka sammaan atithiyon jaisa kiya aur dinr diya. ' vijay jauli ne yah bhi kaha ki America mein kuchh bhi free naheen hai. Unke mutaabik, 'Vahaan to prejideint Barack Obama ke dinr mein shaamil hone ke liye logon ko prati plate 60-70 hajaar dollar ka pemeint karna padta hai. Unke saamane chunaav lade mit romani ke dinr mein to kai logon dvaara sava lakh dollar tak ka pemeint karne ki charchaaen vahaan rahi theen. Isliye yadi vahaan ke kaarobaari apne kharche par Bhaarat aae hain, to ismein galat kya hai? Bhaarat ke kaarobaari bhi to vibhinn sangathanon ke tahat apne kharch par baahar jaate hain. ' vijay jauli ka aarop hai ki asal mein Congress ko ameriki saansadon dvaara Gujarat ke vikaas ki prashansa aur Narendra Modi ko America aane ki daavat dene ki baat hajam naheen hui hai. Isliye Chicago ke ek akhbaar ki khabar ko tool diya ja raha hai. Unhonne kaha, 'Modi ne ya Bhaarat mein kisi ne pemeint naheen kiya hai. America se aae pratinidhimandal ne Gujarat mein naino, Ford factory aur anya kai jagah ka daura kiya hai. Bhaarat aur Gujarat mein nivesh ki sambhaavana talaashane aae pratinidhimandal ne daure mein padtaal ki hai ki kahaan kya kuchh hai. ' unhonne kaha ki Gujarat mein 24 ghante bijli, badhiya buniyaadi dhaanche, fast gavarnameint kliyreins ki vajah se kaarobaari varg pradesh ki taraf aakarshit hai.