BJP-JDU Shah Aur Maat Ka Khel

India »

BJP-JDU  Shah Aur Maat Ka Khel

gulashan rai khatri . Nai Delhi chunaav se pehle pradhaanamantri pad ke ummeedavaar ko project karne ko lekar JDU aur BJP mein shah aur maat ka khel shuroo ho gaya hai. JDU Narendra Modi ko is race se baahar karne ke iraade se is koshish mein juti hai ki BJP jald se jald daavedaar ka naam ghoshit kare. Lekin BJP ise apni rananeeti ke mufeed naheen maan rahi. Use lagta hai ki agar vah Modi ka naam ghoshit karti hai to party ke bheetar hi ghamaasaan ho sakta hai aur agar vah kisi aur ko karti hai to usaki chunaavi rananeeti kaaragar naheen ho paaegi. Maamale ko taalana chaahati hai BJP : Yahi vajah hai ki BJP filhaal JDU ki is kavaayad ko taalane ki taiyaari mein hai. Agar JDU dabaav bhi daalati hai to BJP NDA ki baithak ke jariye is masale ko niptaane ki koshish karegi. Haalaanki, is maamale mein BJP ki chinta JDU ke alaava shivsena ko lekar bhi hai. Sootron ka kehna hai ki filhaal party ki rananeeti hai ki is maamale par chup hi raha jaae. Lekin agar JDU dabaav badhaata hai to usase nipatne ke liye bhi BJP ne rananeeti taiyaar rakhi hai. Sootron ka kehna hai ki is haalaat mein is mudde par NDA ki baithak mein hi charcha karni hogi. JDU kar sakti hai jid : Gaurtalab hai ki JDU ki yojana hai ki vah shanivaar aur ravivaar ko hone waali party ki kaaryakaarini baithak mein is mudde par charcha kare. Haalaanki usane aupachaarik ajeinde mein ise shaamil naheen kiya gaya hai lekin maana ja raha hai ki baithak mein yah maamala uthega aur BJP se kaha jaaega ki vah PM kaindidet ka naam saaf kare. BJP ki rananeeti : BJP ka maanana hai ki agar NDA ki baithak mein akaali dal, BJP aur shivsena bhi PM kaindidet project naheen karne par sahamat hote hain to aise mein JDU ko bhi bahumat ka faisala maanana hoga. Haalaanki BJP netaaon ko khatra uddhav Thackeray se hai. Thackeray bhi is baabat ghoshana karne ki baat kah chuke hain, lekin akaali dal filhaal BJP ke saath hai. BJP ki koshish hogi ki agar Thackeray usase sahamat ho jaate hain to JDU ki is maang ko kaata ja sakta hai. Kisi ko faayda naheen : Party ke kai netaaon ka maanana hai ki JDU bhale hi dhamaki day lekin vah BJP se shaayad hi alag ho. Vajah yah hai ki uske alag hone se agar BJP ko nuksaan hoga to JDU ko bhi koi faayda naheen hone vaala. Vaise bhi JDU ke liye Congress ke paale mein jaana jyaada anukool naheen hoga. BJP ka kehna hai ki JDU ko Modi ke naam par parahej hai lekin party agar Modi ko party mein hi pad day rahi hai to isse JDU ko aapatti naheen honi chaahiye. Agar BJP, Modi ko chunaav abhiyaan committee ka Chairman banaati hai to bhi is par JDU aapatti naheen kar sakta. Aise mein BJP ki rananeeti hai ki vah Modi ko aage to badhaae lekin aupachaarik taur par PM kaindidet project na kare. Isse Modi se doori banaane vaale dalon ke liye uske darvaaje bhi khule raheinge aur vah apni chunaavi rananeeti par bhi amal kar sakegi.

BJP-JDU Shah Aur Maat Ka Khel https://www.angrejinews.com/pic/5316