BJP-JDU Kheenchtaan Par Jald Lagega Break

Breaking » Wednesday, April 17, 2013

Nai Delhi. . JDU aur BJP mein chal rahe vaakayuddh mein mangalvaar ko JDU ki or se kiye gaye javaabi hamle ke baavajood BJP ne chuppi saadh li hai. Party is vivaad ko ab aur jyaada lamba kheenchne ke mood mein naheen hai. Party ko lag raha hai ki isse ek to janta mein galat sandesh ja raha hai aur doosare is aapasi vivaad ka faayda UPA sarkaar ko mil raha hai. Donon hi vipakshi dalon ko jitni taakat UPA sarkaar par hamla karne ke liye lagaani chaahiye, vah taakat ek-doosare par chal rahe hamlon mein lag rahi hai. BJP sootron ke mutaabik, party mein bhi filhaal yahi hidaayat di gayi hai ki is maamale mein koshish ki jaae ki bola hi na jaae aur agar bolne ki naubat bhi aae to behad sadhi bhaasha mein bola jaae taaki yah vivaad aur aage na badhe. Neeteesh ka palatavaar baramati train mein aag lagne ke liye paroksh roop se neeteesh Kumar ko jimmedaar thaharaane vaale BJP pravakta ke bayaan ka neeteesh Kumar ne palatavaar karte hue kaha ki railmantri ka kaam suraksha se juda naheen hai. Yah daayitv raajya sarkaar ka hota hai. Yahi naheen, party ke pravakta shivaanand tivaari ne bhi BJP par hamla karne ke saath hi use naseehat bhi di ki vah apne sahayogi dalon ka sammaan kare. Iske alaava teekhi bhaasha mein unhonne yahaan tak kah diya ki JDU ne BJP ko baandhakar naheen rakha hai. Teekhi bayaanbaaji ke baavajood BJP ki or se mangalvaar ko koi javaab naheen diya gaya. Party sootron ke mutaabik party netaaon se kaha gaya hai ki filhaal ab is maamale ko thanda karne ki koshish ki jaae taaki yah vivaad aur na bhadke. Sootron ka kehna hai ki party adhyaksh Rajnath Singh ne somvaar ko hi is baare mein party netaaon ko ishaaron hi ishaaron mein is maamale mein chup rahane ke liye kah diya tha. Party netaaon ka maanana hai ki is takaraav ka JDU ko kam aur BJP ko jyaada nuksaan ho raha hai. Aise mein filhaal is vivaad ko taalane ki koshish ki jaae. Mudda to abhi jas ka tas party sootron ka kehna hai ki jis maamale ko lekar takaraav shuroo huaa hai, us par abhi koi faisala hi naheen huaa. Aise mein is par filhaal bahas karna hi bekaar hai. Party ko yah bhi lag raha hai ki is takaraav ki vajah se yah sandesh bhi ja raha hai ki NDA mein hi daraar badh rahi hai. Iske alaava BJP mein kuchh netaaon ka yah bhi maanana hai ki takaraav badhne ki ek vajah BJP ki tarah hi JDU ke bheetar ki gutbaaji bhi hai. Aise mein chuppi saadh li jaae. Isse JDU netaaon ko bhi aakhirkaar chup hona padega. Agar fir bhi JDU ki or se hamle hote hain to us sthiti mein BJP fir apni rananeeti par dobaara soch sakti hai. JDU se kareinge baatabeejepi adhyaksh Rajnath Singh ne bhi isi or ishaara karte hue kaha hai ki BJP apne sahayogi JDU ke saath mil baithakar baatcheet kareinge. Unhonne JDU aur BJP ke beech rishte tootane ki sambhaavana ko bhi khaarij kar diya aur kaha ki ham log baithakar baat kareinge.