'BJP Haaikamaan Kare Gathabandhan Par Faisala

India »

'BJP Haaikamaan Kare Gathabandhan Par Faisala

vishesh samvaadadaata . Nai Delhi aagaami Loksabha chunaav ki taiyaariyon ke silsile mein bulaai gayi Bihar BJP ki kor group ki baithak mein taiyaariyon se jyaada BJP-JDU gathabandhan ka mudda chhaaya raha. Gathabandhan todne ya jaari rakhane ko lekar raajya BJP ke netaaon mein ekajutata najar naheen I. Alabatta raajya BJP ke ek varg ka kehna tha ki apne lokapriya neta ke liye agar is gathabandhan ko todna pade to tod diya jaana chaahiye. Haalaanki baad mein netaaon ne is maamale mein faisala karne ka adhikaar party aalaakamaan ko saunp diya. Aham yah hai ki baithak mein party ki or se raajya ke netaaon ko saaf sandesh diya gaya ki gathabandhan ke maamale mein sirf adhikrut neta hi media se baat karein. Baithak ke baad BJP pravakta shaahanavaaj husain ne kaha ki ismein Bihar ki raajaneetik sthiti par vichaar kiya gaya. Unhonne kaha ki Bihar ki janta ke hit mein aur UPA gathabandhan ko patakani dene ke liye raajya mein gathabandhan sarkaar chalti rahegi. Party sootron ka kehna hai ki jahaan kai netaaon ne kaha ki Narendra Modi ke liye agar gathabandhan tootata hai to ise tod dena chaahiye. Kuchh doosare netaaon ne is gathabandhan ko jaari rakhane ki majabooriyaan bhi ginaain. Baad mein tay huaa ki gathabandhan ko lekar aakhiri faisala party aalaakamaan par chhod diya jaae. Sootron ke mutaabik, baithak mein ek neta ne kaha ki gathabandhan ki sthiti achhi naheen hai aur agar yah tootata hai to us sthiti mein BJP ki jimmedaari naheen hogi. Isse yah maana ja raha hai ki filhaal BJP khud is gathabandhan ko todne ke paksh mein naheen hai. Baithak mein raajya ke netaaon ko kada sandesh diya gaya ki ve gathabandhan ko lekar bayaanbaaji naheen karein. Is baithak mein BJP adhyaksh Rajnath Singh ke alaava ravishankar prasaad, Rajiv prataap rudi, shaahanavaaj husain, Bihar ke up mukhyamantri susheel Kumar Modi, BJP upaadhyaksh si. Pi. Thaakur, pradesh BJP adhyaksh mangal Pande samet kai neta maujood the.

'BJP Haaikamaan Kare Gathabandhan Par Faisala https://www.angrejinews.com/pic/6077