Avamaanana Par Principle Sekretari Rahe Hiraasat Mein

Breaking »

Avamaanana Par Principle Sekretari Rahe Hiraasat Mein

Lucknow . . Allahabad haai court ki Lucknow bench ke aadesh par mangalvaar ko UP ke principle sekretari (hom) ko saadhe teen ghante hiraasat mein bitaane pade. Court ne un par court ki avamaanana ka aarop tay kiya tha. Afsar ke maafi maangane par court ne unhein Budhvaar tak javaab dene ki mohlat day di. Principle sekretari (staanp end rajistreshan) aur faijaabaad ke DM ko bhi avamaanana ke maamalon mein hiraasat mein lene ka aadesh diya gaya. Lekin maafi maangane par unase bhi javaab maanga gaya hai. Faijaabaad ke edishnal commissioner ko to jail jaane se bachane ke liye 10 hajaar rupaye bataur jamaanat dene pade. BSP sarkaar mein oorja mantri rahe raamaveer upaadhyaaya ne court mein appeal ki thi ki March 2012 mein court ke aadesh ke baavajood unhein Z kaitigri ki suraksha naheen di ja rahi hai. Gaurtalab hai ki unki suraksha hataane ke UP sarkaar ke faisale ke baad upaadhyaaya ne haai court mein appeal ki thi, jahaan se unhein raahat mil gayi thi. Poorv mantri ki appeal par mangalvaar ko sunavaai ke dauraan pradesh sarkaar ki or se principle sekretari (hom) aar. M. Shreevaastav pesh hue. Lekin santoshajanak javaab naheen milne par Justice sateesh chand ki singal bench ne un par court ki avamaanana ka aarop tay kar diya. Saath hi poochha ki kyon na unhein dandit kiya jaae? Court ne shreevaastav ko subah 10: 30 baje se dopahar 2 baje tak hiraasat mein rakhane ke aadesh diye. Iske baad central reserve police fors (CRPF) ke javaanon ne court number 7 ko gher liya, jahaan shreevaastav hiraasat mein liye ja chuke the. Unhein maafi maange jaane aur Budhvaar tak javaab daakhil karne ke aadesh ke baad shaam 4 baje court se jaane diya gaya. Isi tarah, principle sekretari (staanp end rajistreshan) ke. L. Meena aur faijaabaad ke DM ko bhi maafi maangane par aaj tak ka samay diya gaya. Court ne faijaabaad ke adishnal commissioner shaileindr Kumar Singh ko jail bhejane ke bhi aadesh day diye the, lekin unhein 10 hajaar rupae ki jamaanat par chhod diya gaya.

Avamaanana Par Principle Sekretari Rahe Hiraasat Mein https://www.angrejinews.com/pic/7981