Australian Team Ko Seeniyrs Ke Jaldi Sannyaas Lene Se Huaa Nuksaan Shaun Tet

Cricket » Saturday, March 30, 2013

Jaipur. . Australia ke tej geindabaaj shaun tet ka maanana hai ki unke desh ke anubhavi khilaadiyon jaise Shane vaurn, Matthew Hayden, Jason gilespi ne sannyaas lene mein jaldabaaji ki jisse team ko badlaav ke sankat se joojhna pada. Tet ne yahaan patrakaaron se kaha, 'Main samajhta hoon ki Jason gilespi, Shane vaurn, Michael kaasprovich aur Matthew Hayden aise khilaadi the jinse yuva kaafi kuchh seekh sakte the aur mujhe lagta hai ki unhein kuchh aur samay tak khelna chaahiye tha. ' unhonne kaha, 'Australiaee cricket mein kuchh badlaav hue hai aur kuchh badlaav ghareloo star bhi hue hain. Yuva khilaadiyon ko jab team mein shaamil kiya jaata hai to ve apne anubhavi saathiyon se seekhate hain. ' tet se poochha gaya ki shreelankaai khilaadiyon ko chennai mein khelne ki anumati naheen dene aur kuchh County teemon dvaara apne khilaadiyon ko rokane se kya IPL ki vaishvik chhavi par asar padega, unhonne kaha, 'Yah khilaadiyon ke haath mein naheen hai. Adhikaari jo bhi kaheinge unhein use maanana hoga. IPL ki vaishvik chhavi par asar naheen padega lekin yah sharmanaak hai ki khilaadiyon ko is tarah ki sthiti ka saamana karna pad raha hai. Yah faisala anya ne kiya hai. Aakhirkaar IPL bhaarateeya tournament hai lekin bahut achha hai.