Australiaee Shrrunkhala Se Laya Mein Lautane Mein Madad Mili Ishaant

Cricket » Saturday, March 30, 2013

Nai Delhi. . Bhaarateeya tej geindabaaj Ishaant sharma ka maanana hai ki takhane ki chot ke kaaran pichhle saal adhiktar samay baahar rahane ke baad Australia ke khilaaf haal mein samaapt hui ghareloo test series se unhonne apni khoi laya haasil kar li hai. Chaar test maichon ki series mein keval saat wicket lene vaale Ishaant ne kaha, 'Main samajhta hoon main dheere-dheere laya haasil kar raha hoon. Australia ke khilaaf apne pradarshan se main khush hoon. Haalaanki pehle do test maichon mein jyaada kuchh naheen kar paaya lekin aakhiri do maichon mein mainne achha pradarshan kiya. Kul milaakar main apne pradarshan se santusht hoon. ' Ishaant ne 51 test maichon mein keval 144 wicket liye hain lekin yah 24 varsheeya tej geindabaaj apne antararaashtreeya career se khush hai. Yahaan cricket kleenik mein yuva geindabaajon se roo b roo hone ke baad Ishaant ne kaha, 'Main samajhta hoon ki apne career mein ab tak mainne achha kiya hai. Ummeed hai ki aage bhi main achha pradarshan karoonga. Bhaarat mein wicket tej geindabaajon ke anukool naheen hote hain. ' Ishaant ne kaha vah aur tej geindabaaji ke unke saathi bhuvaneshvar Kumar team mein ek doosare ke poorak hain. Unhonne kaha, 'Main (Australia ke khilaaf) puraani geind se rivers swing karaane par dhyaan day raha tha. Bhuvaneshvar ne nayi geind se swing karaayi aur usane achha pradarshan kiya. Main nayi geind ko thoda puraane hone ka intajaar karta tha.